السر اللي ما بيحكوش عليه: هيك عملت صوت يشبهني 100٪
.jpg) |
| السر اللي ما بيحكوش عليه: هيك عملت صوت يشبهني 100٪ |
هشرحلك إزاي تعمل تعليق صوتي خاص بيك شبه صوتي بالظبط وده كله باستخدام الذكاء الاصطناعي
من أكتر الأسئلة اللي جاتلي من ساعة ما بدأت هو الصوت اللي بستخدمه
ناس كتير بتسألني هو ده صوتك ولا ذكاء اصطناعي
والإجابة ببساطة أيوه ده صوت مولد بالذكاء الاصطناعي
وهشاركك بالظبط إزاي عملته وبنفس الجودة اللي بستخدمها في فيديوهاتي كلها
لو بتفكر تحول نصك لتعليق صوتي احترافي
فالطريقة دي هتفيدك جدا وهتساعدك تجيب مشاهدات أكتر وكمان تزود فرص قبولك في جوجل أدسنس بسهولة
عشان كده خلينا نبدأ
في طريقتين
أول واحدة هي اللي بستخدمها دايمًا في قناتي
والتانية مجانية تماما
الموقع اللي هنبدأ بيه اسمه فليكي
هتلاقي الرابط في الوصف أو الكومنتات
وده اللي بيساعدك تعمل صوت مميز يخصك انت بس ومحدش تاني يستخدمه
بس قبل أي حاجة لازم تبعد عن الأصوات الجاهزة اللي على مواقع زي 11 لابس
لأن آلاف من الناس بيستخدموها وده اللي بيخلي القنوات كلها شبه بعض
وطبعا ده من أسباب الرفض في أدسنس
الحل؟ تصمم صوتك الخاص
أول حاجة بنسجل دخول في موقع فليكي
ومن هنا بنحول لغة الموقع للعربية لو حابب
هتلاقي في الموقع أدوات كتير زي تحويل فكرة لفيديو أو نص لفيديو
لكن اللي هيفيدنا دلوقتي هو جزء الأصوات
هندخل عليه ومنه نضغط على مخصص
وبعدين نختار إنشاء صوت جديد
هنا بقى نحدد نوع الصوت لو ذكر أو أنثى
بعدها نختار اللغة واللهجة اللي تناسب محتوى قناتنا
مثلا أنا اخترت السعودية
أهم حاجة هنا هو وصف الصوت
يعني عايز صوت عميق ولا هادي ولا شعبي ولا رسمي
والأفضل تستخدم شات جي بي تي يساعدك في كتابة وصف احترافي للصوت
أنا مثلا طلبت منه صوت يوتيوبر سعودي بيشرح أدوات الذكاء الاصطناعي
أخدت الوصف ونسخته في الخانة المطلوبة
بعدها نضغط توليد وهنا فليكي هيبدأ يعطينا عينات صوت مختلفة
لو ما عجبتكش النتائج دوس تجديد المعاينة
وجرب لحد ما تلاقي الصوت اللي يريحك
أنا لقيت صوت ممتاز واخترته
وسميت الصوت بالاسم اللي أنا عايزه
وبكده بقى عندي صوت خاص بقناتي
نرجع للصفحة الرئيسية ونروح لتحويل النص لصوت
نحط النص اللي عايزين نحوله
نضغط التالي كذا مرة لحد ما نوصل لمرحلة التعديل
أول حاجة بنعملها نحذف الموسيقى الجاهزة
وبعدين نغير المعلق لمعلقنا الخاص
نحدد اللغة والدولة واسم المعلق من اللي أنشأناه
وكده خلاص التعليق الصوتي بقى جاهز
جربت النص والنتيجة كانت ممتازة
صوت واضح نطق مضبوط طبيعي جدا
وده اللي بيخلي فليكي مميز خصوصا لو بتشتغل محتوى عربي
خلونا نعمل تجربة تانية
المرة دي طلبت من شات جي بي تي صوت مناسب لقناة قصص رعب
أخدت الوصف وكررت نفس الخطوات
جربت الأصوات واخترت واحد عجبني
ورجعت حولت قصة رعب لنص وخلت فليكي يحولها لتعليق صوتي
والنتيجة كانت مرعبة بمعنى الكلمة
صوت واقعي بيشد المتابع من أول ثانية
بس خد بالك
أنا بستخدم النسخة المدفوعة من فليكي
لو حابب تجرب النسخة المدفوعة هتلاقي الأسعار في الموقع
وفيه شهري وسنوي
أنصحك بالسنوي لو ناوي تكمل بجد
نيجي للطريقة التانية
وهي المجانية بالكامل
الموقع المستخدم هنا هو 11 لابس
برضو الرابط هتلاقيه في الوصف أو في الكومنتات
بس زي ما قلت قبل كده
الأصوات الجاهزة دي مش هتفيدك لو عايز قناة مميزة
الحل انك تصمم صوتك بنفسك
هتدخل على الموقع وتروح لقسم الأصوات
وتختار إنشاء صوت جديد
وتكتب وصف دقيق للصوت اللي في بالك
تقدر تستخدم شات جي بي تي يكتبلك الوصف وكمان يترجمه للإنجليزي لو محتاج
تحط الوصف وتدخل نص تجريبي
وتضغط توليد صوت
هيطلعلك كذا صوت
اختار اللي يناسبك ولو ولا واحد فيهم عجبك
اضغط توليد من تاني وهيجيبلك أصوات جديدة
بعد ما تلاقي الصوت المناسب
اكتب له اسم وحدد اللغة والصيغة
وسيفه عشان تقدر تستخدمه بعدين
لو حسيت ان الصوت لسه محتاج تعديل
استخدم إعدادات النغمة والسرعة والتعبير لحد ما تطلع بنتيجة مرضية
جربت كذا مرة وعدلت الصوت لحد ما وصلت لصوت فعلا احترافي
نصيحة مهمة
ضيف علامات استفهام وتعجب وفواصل في النص
ده بيخلي الصوت يطلع طبيعي أكتر
وكمان لو ضفت مؤثرات صوتية هيكون الفيديو أمتع بكتير
وبكده يكون شرحنا النهاردة خلص