كاينين تغييرات جديدة على يوتيوب بدات كتطبق ابتداء من دابا

كاينين تغييرات جديدة على يوتيوب بدات كتطبق ابتداء من دابا

 تحديث جديد نزل في اليوتيوب واللي من وجهة نظري الشخصية يعتبر من بين أفضل التحديثات اللي قامت بها المنصة منذ وقت طويل جدا لأن فعلا غادي يساعد عدد كبير من صناع المحتوى في الحفاظ على قنواتهم مفعلة للربح وكيعطيهم فرصة ثانية قبل ما يتم إيقاف الدخل عليهم مباشرة واللي وقع هو أن اليوتيوب غيرت طريقة التعامل مع القنوات اللي فيها مشاكل في السياسات أو المحتوى واللي في العادة كان الربح كيتم توقيفه مباشرة وبدون مقدمات لكن دابا الأمر اختلف كليا وغادي نشرحو بالتفصيل كيفاش التحديث الجديد كيخدم وشنو غادي تستافد منه كصانع محتوى على اليوتيوب

في السابق كان اللي عندو قناة مفعلة للربح ممكن يفيق فجأة يلقى الربح توقف وبدون أي إنذار أو فرصة للتوضيح فقط توصلك رسالة في البريد الإلكتروني تقولك أن الربح تم تعطيله من على قناتك بسبب مخالفة إما في سياسة المحتوى أو في الاستخدام المعاد أو بسبب شيء معين ما كتعرفوش بالضبط وكتلقى راسك محروم من الدخل تماما وكتضطر تنتظر ثلاثة أشهر باش تعاود تقدم الطلب من جديد وهادشي كيكون محبط جدا خصوصا للناس اللي خدامين بجد وكيحاولوا يطوروا قنواتهم ويخدموا محتوى محترم

لكن حاليا مع التحديث الجديد اليوتيوب ولات كتعطيك مهلة سبعة أيام قبل ما توقف الربح وكتوصلك إشعار في استوديو القناة كيقولك بالحرف أن قناتك معرضة لفقدان ميزة تحقيق الربح وأنك عندك فترة زمنية قصيرة باش تطعن في القرار إذا كنتي كتعتقد أنه غير عادل أو خاطئ وهنا كيجي الدور ديالك كمبدع محتوى لأنك غادي تكون قدام فرصة باش تثبت موقفك وتبين ليوتيوب أن قناتك خدامة بطريقة سليمة وما فيها حتى شي خرق حقيقي

في هذه الأيام السبعة كيظل الربح مفعلا عادي والإعلانات كيبقاو يشتغلو بشكل طبيعي ومشاهديك ما كيحسو حتى بتغيير وفي حالة قدمتي طلب إعادة نظر وكان الرد إيجابي فغادي ترجع المياه لمجاريها وكأن شيئا لم يكن بمعنى أن كل شيء كيبقى كما هو من حيث الأرباح والمشاهدات وحتى الرصيد كيتحول عادي لحسابك البنكي عن طريق أدسنس

لكن فاش كتكون النتيجة سلبية وكيتم رفض الطعن فهنا الربح كيتوقف نهائيا وكتولي خاصك تنتظر مدة تسعين يوم عاد تعاود تقدم الطلب وهادشي صراحة كيأثر بزاف على الاستمرارية ديال القنوات خصوصا اللي معتمدة على الدخل من اليوتيوب كمصدر رئيسي ولكن التحديث الجديد كيخفف هاد الضغط وكيخلي الواحد عندو هامش للتحرك ومحاولة تصحيح الوضع قبل ما يفوت الأوان

واللي زوين أكثر هو أنه حتى من بعد مرور الأيام السبعة وإذا كنت ما كنتش متواجد أو ما شفتش التنبيه أو تغافلت عليه تقدر دابا ترفع طلب جديد ولكن عن طريق فيديو خلال مدة واحد وعشرين يوم من تاريخ توقف الربح وكتشرح فيه وجهة نظرك واليوتيوب كترجع تشوف الملف ديالك وإذا شافت أن عندك حق أو أن التوقيف كان فيه نوع من القسوة فغادي ترجع لك الميزة ديال الربح من جديد وكتكمل الخدمة عادي أما إلا ما تقبلش الطعن مرة أخرى فكتولي مضطر تنتظر تسعين يوم باش تقدم طلب جديد كأنك غادي تبدأ من نقطة الصفر

لكن خاصنا نكونوا على وعي أن هاد التعديل ماشي شامل لكل القنوات يعني ممكن بعض القنوات يطبق عليها وبعض القنوات لا وأحيانا الربح كيتم توقيفه بشكل مباشر خصوصا في الحالات اللي كتكون فيها مخالفات كبيرة بحال التحريض أو نشر تنظيمات محظورة أو انتهاك صارخ للإرشادات المجتمعية فهنا ما كاين لا إشعار ولا مهلة كيتوقف الربح مباشرة بلا رجعة

أما المخالفات البسيطة اللي كتخص مثلا المحتوى المعاد استخدامه أو الفيديوهات المكررة بدون قيمة مضافة أو استعمال مقاطع موسيقية بدون ترخيص فهذه هي اللي ممكن تاخد فيها مهلة سبعة أيام وتستافد من فرصة الدفاع عن القناة ديالك ولكن هذا ما يعنيش أنك تستهتر بالقوانين أو تعتمد فقط على الحظ لأن اليوتيوب ماشي دائما منصفة وممكن تكون ضحية واحد قرار أو نظام تلقائي غلط في التحليل ديال الفيديو ديالك ولهذا ضروري تكون دايما واعي بالمحتوى اللي كتقدمه وتحاول تشتغل بطريقة نظيفة ما تعطي حتى فرصة لشي نظام ولا موظف يقيم القناة ديالك تقييم سلبي

وبخصوص طريقة تقديم طلب إعادة النظر فهي بسيطة كتدخل على ستوديو اليوتيوب ثم صفحة الربح وكتلقى هناك إشعار فيه رابط التقديم كتضغط عليه وكتكتب الأسباب اللي كتشوف أنها توضح أن القناة ديالك تستحق تبقى مفعلة للربح وخاص تكون واضح ومنظم في الشرح ديالك بلا ما تكون عاطفي بزاف وخاصك تبين الوعي ديالك بالقوانين والسياسات الخاصة بيوتيوب وتبرهن أنك خدام باحترام تام للقواعد

وإذا اضطررت أنك تقدم الفيديو فمن الأفضل تحضر واحد السكريبت فيه توضيح مختصر ومركز على النقاط اللي ممكن توضح الموقف ديالك وتحاول تكون محترف في طريقة الكلام ديالك وفي التصوير ماشي ضروري تكون جودة عالية ولكن ضروري تبين أنك مهتم وجاد في استرجاع ميزة الربح

التحديث اللي داروه حاليا فيه واحد القيمة مضافة كبيرة لصناع المحتوى وخصوصا المبتدئين حيث كيعطيك الأمل والثقة بأنك ماشي عرضة للإيقاف المفاجئ بلا حتى ما تعرف السبب بل كيعطيك فرصة للتصرف وتصحيح الوضع وهذا هو الشي اللي كان غايب في النظام القديم اللي كان صارم وقاسي بزاف على بزاف ديال القنوات

وكاين حاجة أخرى زوينة وهي أن الأيام السبعة اللي كتسبق الإيقاف ما كيتوقفش فيها الربح بمعنى حتى فاش كتكون في فترة الانتظار والمراجعة كيبقاو المشاهدات كيدخلو لك الفلوس والإعلانات خدامة وهذا في حد ذاتو ممتاز لأن في حالات كثيرة كتكون عندك فيديوهات دارت البوز في هاد الفترة وكتدخل مداخيل عالية وبالتالي خاص هادشي ما يضيعش عليك

ولكن خاصنا نرجع ونأكد أن التحديث هذا ماشي كيحميك مية في المية خاصك دايما تكون على وعي وتراقب القناة ديالك وتكون عندك شفافية مع المتابعين وتشتغل بطريقة محترفة وتحاول ما تستعملش المحتوى ديال الآخرين إلا إذا كان عندك ترخيص أو كانت إضافتك فعلا مميزة عليه باش ما تدخلش في خانة المحتوى المعاد استخدامه اللي هو السبب الرئيسي في توقيف الربح على بزاف من القنوات مؤخرا

وفي النهاية نقدر نقول أن هاد التغيير اللي دارتو يوتيوب هو خطوة إيجابية وجاية في الوقت المناسب خصوصا فاش المنافسة ولات كبيرة وعدد القنوات كيتزاد بشكل يومي وعدد الناس اللي معتمدين على اليوتيوب كدخل رئيسي حتى هو كبير بزاف ولهذا التعديل غادي يخفف الضغط على الكرييتورز ويخليهم يحسو بالأمان نوعا ما ولكن خاص كل واحد يكون على قد المسؤولية ويخدم محتوى يستحق الدعم والمتابعة

نتمنى أن هاد التوضيحات تكون فادتكم وخدمتكم تفهمو أكثر شنو هو التحديث الجديد وكيفاش تتعاملو معاه وما تضيعوش الفرصة فاش توصلكم إشعارات من اليوتيوب دايما راقبوا الستوديو ديال القناة وردوا البال لأي تنبيه باش تتصرفو في الوقت المناسب وتحافظو على قنواتكم مفعلة للربح بلا مشاكل ولا مفاجآت مزعجة

تعديل المقال