طريقة الحصول على CapCut PRO مجانًا على الكمبيوتر أوقف التحديث التلقائي نهائيًا!
 |
| طريقة الحصول على CapCut PRO مجانًا على الكمبيوتر أوقف التحديث التلقائي نهائيًا! |
السلام عليكم يا شباب كتير مننا بيواجه مشكله مزعجه في برنامج كاب كات على الكمبيوتر وهي إننا لما ننزل نسخه قديمه فيها المميزات اللي بنحب نشتغل بيها نلاقي البرنامج بعد فتره بيعمل تحديث تلقائي من غير ما يسألنا وده طبعا بيبوظ الشغل بتاعنا أو نخسر التعديلات اللي كنا شغالين عليها وساعتها نضطر نعيد من الأول وده بيكون مرهق جدا
أنا واجهت نفس المشكله وبصراحه دورت كتير على حل نهائي ليها لحد ما لقيت واحد أجنبي شارح الطريقه جربتها واشتغلت معايا تمام فحبيت أنقلها لكم علشان الكل يستفيد
الموضوع كله إننا بنثبت نسخه قديمه من كاب كات واللي بيكون فيها كل الحاجات مفتوحه بدون كلمة برو أنا شخصيا بستخدم الإصدار 4.0 لأنه ثابت ومفيهوش مشاكل وفي نفس الوقت مش مقفول ولا بيطلب منك تشتري أي ميزات
بس المهم بقى إننا نمنع التحديث التلقائي نهائيا وده اللي هشرحه دلوقتي
أول حاجه بنحتاج نمسح النسخه اللي اتحدثت تلقائي عندنا على الجهاز وده هنعمله باستخدام برنامج اسمه ريفو انستولر البرنامج ده بيشيل أي برنامج من جذوره تماما علشان لما نيجي ننزل النسخه القديمه متتأثرش بالحاجات اللي كانت موجوده في النسخه الجديده
بعد ما نمسح النسخه نروح نحمل النسخه اللي احنا عايزينها من موقع آبتو داون وأنا بنصح بنسخة 4.0 لأنها اشتغلت معايا تمام وأي نسخه بعد كده بتكون معظم ميزاتها مقفوله وتتحول لبرو
بعد ما نحملها ونثبتها على الجهاز بنفتحها عادي ونتأكد إنها شغاله كويس بس أهم حاجه ما نسيبهاش مفتوحه وقت طويل في أول مره علشان ما تشتغلش في الخلفيه وتعمل تحديث من نفسها
دلوقتي نروح للخطوه الأهم ودي اللي بتمنع التحديث التلقائي من الأساس
هندخل على مكان تثبيت البرنامج وده بنوصله من خلال إننا نضغط كليك يمين على أيقونة كاب كات على الديسكتوب وناخد Open File Location أو ندخل يدوي على بارتيشن C وبعدين فولدر اليوزر وبعدين نفتح AppData ولو مش ظاهر نفعّله من إعدادات عرض الملفات علشان نقدر نشوف الفولدرات المخفيه
هندخل بعد كده على Local وبعدين CapCut وبعدين User Data ومنها نفتح فولدر اسمه Download
جوه الفولدر ده هنعمل ملف جديد وهمي يمنع التحديث التلقائي بنضغط كليك يمين ونختار New وبعدين Text Document ونسميه update وكل الحروف تكون small ومن غير أي مسافات
بعد ما نسميه كده هنغير امتداد الملف ونشيل .txt ونخليه .exe وده مهم جدا علشان CapCut يفتكره تحديث أصلا ومش هيعرف يتعامل معاه
بعد كده نضغط كليك يمين عليه ونختار Properties ونفعّل خيار Read Only علشان ما يتعدلش أو يتغير بعدين وندوس Apply وبعدها OK
وكده نكون منعنا التحديث تماما ممكن ييجي لك إشعار بالتحديث تجاهله وكمل شغلك عادي
ولو الطريقه دي ما اشتغلتش من أول مره جرب تعمل نفس الملف كمان في فولدر App نفسه مش بس Download يعني لو عملته في الاتنين بيكون أضمن ومضمون أكتر