خوارزمية اليوتيوب مو ضدك! هيك توصل لأول 1000 مشترك حتى لو ما حدا بيعرفك

خوارزمية اليوتيوب مو ضدك! هيك توصل لأول 1000 مشترك حتى لو ما حدا بيعرفك

حاسس إنه قناتك واقفة وما عم تكبر ولساتك ما وصلت حتى 1000 مشترك صدقني هذا معمول خصيصاً إلك لأنك لو عم تنشر فيديوهات وما عم توصل حتى لـ100 مشاهدة وبتحس إنه خوارزمية اليوتيوب متجاهلتك فأنت مو لحالك كتير ناس نفس حالتك

بس خليني أوضحلك شي مهم اليوتيوب ما بيتجاهل حدا كل اللي بيصير إنه عم يختبر فيديوهاتك مع ناس معينين وبيشوف إذا المحتوى تبعك فعلاً جذبهم ولا لأ إذا الناس حبت الفيديو وكملت مشاهدته بنسبة منيحة الخوارزمية رح تدفشه أكتر وتوصله لناس أكتر بس إذا الأداء كان ضعيف بكل بساطة الفيديو رح يختفي وما حدا رح يشوفه

يعني بدل ما تعتبر خوارزمية اليوتيوب عدوك خلّيها تصير أقوى سلاح بيدك ورح أشرح لك كيف من خلال ثلاث أفكار بسيطة وإذا كملت  رح أعطيك هدية كمان تساعدك تفهم جمهورك بسرعة

أول شي لازم تفهم طريقة تفكير اليوتيوب تخيله مثل عالم ضخم مليان ملايين الفيديوهات والخوارزمية هي مثل الجسر اللي بيحاول يوصل كل فيديو بالناس المهتمين فيه بس الشي اللي بيخلي هذا الجسر يشتغل صح هو مدى فهمك لجمهورك

مثلاً لو عندك قناة عن الزراعة ونزلت فيديو بعنوان خمس نباتات للمبتدئين الخوارزمية رح تعرضه على ناس مهتمة بالزراعة وبتراقب تفاعلهم إذا شافوه وكملوا المشاهدة رح توسع الانتشار وإذا لا خلاص الفيديو رح يضيع بين الزحمة

فلازم من الأساس تعرف مين عم تحكي معه بالضبط ولهيك بنوصل للفكرة التانية واللي هي تحديد جمهورك وهاي يمكن أهم نقطة

خد ورقة وقلم وبلش فكر شو المواضيع اللي ممكن تجذب ناس لقناتك شو اهتماماتهم شو أعمارهم شو جنسهم شو المشاكل اللي عم يواجهوها وشو اللغة اللي بيحبوا يسمعوا فيها

يعني لو كان محتواك عن الإنتاجية جمهورك ممكن يهتم بالتخطيط وتنظيم الوقت إذا كانوا شباب بعمر العشرين فالأفضل إنك تحكي بأسلوب سريع مسلي أما إذا كانوا بنات حاول تخلي لهجتك ألطف أما الشباب ممكن يفضلوا الصراحة والنصائح المباشرة اللي فيها نوع من الحزم

المشكلة أو الحاجة كمان نقطة مهمة إذا جمهورك مثلاً عم يدور على طريقة يربح منها دخل إضافي مهم إنك تقدم حلول واقعية وسهلة مش تنظير

وكمان فكر كيف بتحب جمهورك يسمعك بتحب يحكي معك بالعامية ولا بالفصحى هذا الشي بيساعدك تبني علاقة حقيقية معهم

لحتى أوضحلك الصورة أكثر رح أعطيك مثال بسيط لو عندك قناة عن تحسين الصحة جمهورك ممكن يكون مهتم بوصفات صحية أو تمارين للمبتدئين فممكن تنشر فيديو مثل تمارين 7 دقايق بالبيت أو أسرع وصفات خفيفة وصحية

مثال تاني قناة عن التكنولوجيا جمهورك ناس بيحبوا الموبايلات أو التطبيقات فممكن تعمل فيديوهات مثل أفضل تطبيقات مجانية بتحسن حياتك أو مقارنة بين موبايلين سعرهم اقتصادي

هلأ منوصل للفكرة التالتة واللي ما لازم تنساها وهي العنوان والعرض الأول للفيديو لازم العنوان يكون واضح ومثير بنفس الوقت مثلاً بدل ما تكتب نصائح عن التصوير اكتب خمس نصائح بتخليك تصور مثل المحترفين حتى لو كنت مبتدئ

وآخر شغلة مهمة لا تحاول تقلد الكل خلي عندك ستايلك الخاص حتى لو بسيط خلي صوتك وأسلوبك طبيعي الناس بتحب تشوف ناس عفويين مش روبوتات عم تقرأ من ورقة

تعديل المقال