اشناهية البرمجة

البرمجة هي العلم اللي كيخليك تصاوب برامج. هاد البرامج هما اللي كتشوفهم فالتليفونات، البيسيات، وحتى الطيارات. البرمجة هي اللي كتكون ورا أي حاجة إلكترونية. من بين الأمثلة: يوتيوب، تويتر، فيسبوك، تيك توك... هادشي كامل برامج اللي تبرمجات، وأي حاجة كتشوفوها كتخدم بالإلكترونيات غالباً تكون مبرمجة.

البرمجة ماشي غير كودات كتكتبها، راه الحرفة ديال تصاوب برامج اللي كتخدم فكلشي، من تليفونك حتى للتلفزة. وواحد الحاجة اللي خاصكم تعرفوها، ما كاينش لغة برمجة أحسن من الأخرى، كل لغة عندها استخداماتها الخاصة. بحال الحدادة، اللي عندو مطرقة وعندو أدوات خاصة به، المبرمج كذلك عندو لغات برمجة اللي كيستعملها باش يوصل للهدف دياله.

كنصحكم باش تتعلمو الأساسيات ديال البرمجة، لأنه مهم كيفاش كتحل المشاكل، وكيدير برنامج يخدم مزيان. ماشي ضروري تبقى متشبت بلغة وحدة، لأنه كيما كيتغيرو الأدوات، اللغات البرمجية كتتطور حتى هي. المهم هو أنك تتعلم الحرفة، مشي غير الأدوات.

بالنسبة للبرامج اللي كتستعمل بزاف، كاينين بزاف ديال الأنواع: اللي خاص بالويب، اللي خاص بالتطبيقات ديال الهواتف، وبرامج المكتب بحال فوتوشوب.

فالأخير، إذا بغيتو تتعلمو البرمجة، راه ما عندكش خيار آخر من غير أنك تبدأ من الأساسيات وتبني عليها مع الوقت. حاول تبقى ديما كتطور وكتحسن من نفسك، وتعلم من الناس اللي سبقوك فالمجال.

تعديل المقال