مبروك على صناع المحتوى فيسبوك يعلن شروط ربح جديدة في 2026 وزيادة قوية في الأرباح
بزاف ديال الناس اليوم ولات كتخدم فالفيسبوك وكتنشر وكتحاول ولكن ملي كتشوف الأرباح كتلقى راسها ضعيفة ولا حتى منعدمة وهاد الشي كيخلي الإحباط يدخل لقلوب بزاف خصوصا الناس اللي دخلات هاد المجال على أمل تبدل حياتها
كاين حتى اللي مازال ما دخل حتى درهم من الفيسبوك وكيطرح السؤال واش باقي فيه الخير ولا لا
اليوم الجواب واضح وبشرى كبيرة لأي واحد باغي يخدم بعقلو
فيسبوك فهاد المرحلة الجديدة قررات تبدل الشروط ديال الربح بشكل نهائي وهاد التغيير جاي فمصلحة صناع المحتوى خصوصا المبتدئين
إلى رجعنا بالذاكرة شوية للسنوات اللي دازت غادي نلقاو باللي الفيسبوك كان واحد من أقوى المنصات من حيث الأرباح
فواحد الفترة كان كيعطي مداخيل زوينة بزاف وولا منافس حقيقي لليوتيوب
بزاف ديال الناس دارو نتائج ما كانوش حالمين بها غير من الفيديوهات والمنشورات
ولكن مع الوقت تبدلات السياسة وتشددات القوانين ودخل نظام الدعوة وولات الأرباح محدودة
هاد التغيير خلق واحد الصدمة كبيرة فوسط صناع المحتوى
بزاف ديال الناس فقدو الحماس وبداو كيشوفو منصات أخرى بحال يوتيوب وتيك توك
آخرين قررو يبقاو ولكن غير باش يسوقو لمنتجاتهم ولا لخدماتهم الخاصة
أما الربح المباشر من الفيسبوك ولا ولى حلم بعيد
وهنا فيسبوك دارت واحد الغلطة كبيرة حيث خلات المبدعين يبعدو عليها شوية بشوية
ولكن أي منصة كبيرة إلا وباغية تبقى فالقمة خاصها تسمع للمستخدمين ديالها
وفيسبوك فهاد المرحلة بدا يراجع الحسابات ديالو
شاف باللي بلا صناع محتوى حقيقيين المنصة غادي تضعف
شاف باللي الناس اللي كتبدع وكتنشر هي اللي كتعطي الحياة للفيسبوك
ومن هنا قرر يدخل تغييرات جديدة ويرجع يفتح الباب بطريقة مختلفة
اللي خاص أي واحد يفهمو دابا هو أن الفيسبوك فمرحلة انتقالية
مرحلة فيها فرص كبيرة ولكن خاصها وعي وصبر
ما بقاش الموضوع هو الربح السريع ولا الحلم الزائف
الموضوع ولى هو الخدمة الحقيقية وبناء صفحة عندها قيمة
فالنظام الجديد ما بقاتش شي حاجة سميتها انتظار الدعوة
ما بقاش شي حد غادي يختارك ويقوليك مبروك دابا تقدر تربح
دابا الربح ولى مرتبط بالشروط اللي أي واحد يقدر يخدم عليها إلا كان باغي
سواء بانوا هاد الشروط عندك دابا ولا مازال غادي يبانوا من بعد
الفكرة الأساسية هي أن الفيسبوك باغي يشوف صفحة حقيقية
صفحة ماشي محلولة غير دابا وما فيها حتى محتوى
باغي يشوف واحد الاستمرارية وواحد الجدية فالعمل
باغي يشوف فيديوهات وريلز ومنشورات كيتفاعلو معاهم الناس
المحتوى ولا هو الأساس
ماشي أي محتوى ولكن محتوى عندو معنى
محتوى كيحل مشكل
كيضحك
كيعلّم
كيحمس
كيخلي المتابع يبقى ويتفاعل ويرجع يشوف الصفحة مرة أخرى
الجمهور حتى هو ولى عنصر مهم
ماشي غير العدد ولكن التفاعل
ناس كتشوف الفيديوهات للنهاية
كتدير لايك
كتكتب تعليق
كتشارك المحتوى مع الآخرين
هاد الإشارات كلها كتعطي للفيسبوك واحد الرسالة باللي هاد الصفحة تستاهل
كذلك المشاهدات ولات كتتحسب بطريقة مختلفة
ما بقاش فيديو واحد يطلع ويدير ضجة ويعطيك الربح
دابا كيشوفو المجموع ديال الخدمة
كيشوفو واش الصفحة كتقدم محتوى باستمرار
واش كاين تطور
واش كاين مجهود واضح
هاد الشروط إلى شافها شي واحد من بعيد يقدر يقول صعيبة
ولكن إلى قرب ليها بالعقل غادي يلقاها منطقية
حيت أي مشروع ناجح خاصو الوقت
خاصو الصبر
خاصو واحد الرؤية
اللي باغي يربح من الفيسبوك خاصو يتعامل مع الصفحة ديالو بحال مشروع
ماشي غير هواية ولا تجربة
خصو يحدد المجال ديالو
يعرف شكون الجمهور ديالو
ويخدم على المحتوى ديالو كل نهار بشوية بشوية
كاين واحد النقطة مهمة بزاف وهي أن بزاف ديال الناس كيسدو على راسهم قبل ما يبداو
كيقولو راه ما عنديش حظ
الفيسبوك ما كيعطيش
الربح مات
ولكن الحقيقة هي أن المنصة كتبدل فقط واللي ما كيتبدلش معها كيبقى لور
هاد المرحلة الجديدة هي فرصة ذهبية للي باغي يبدا من الصفر
حيت المنافسة ولات أقل من قبل
وبزاف ديال الناس خرجو من الفيسبوك
واللي بقى وخدام دابا عندو فرصة يبان أكثر
أي واحد دابا يقدر يبني صفحة نظيفة
ينشر محتوى منتظم
يتعلم من الأخطاء
ويطور راسو شوية بشوية
وغادي يلقى النتيجة مع الوقت
ما خاصكش تكون محترف من اليوم الأول
خاصك غير تبدأ
تغلط
تتعلم
وترجع تحسن
هاد هي الطريقة الوحيدة اللي كتنجح
الفيسبوك دابا باغي الناس اللي عندهم نفس طويل
الناس اللي ما كيتوقفوش من أول عائق
الناس اللي كيشوفو أبعد من الربح السريع
وإلى كنت باغي تزيد المشاهدات والمتابعين
خاصك تفهم الخوارزمية
تفهم شنو كيبغيو الناس
وتخدم على المحتوى اللي كيعجبهم ماشي اللي كيعجبك غير انت
كاين طرق بزاف خدامة
كاين تجارب نجحات
وكاين ناس بدات من لاشيء ودابا ولات كتدخل مداخيل محترمة
ماشي حيت عندهم شي سر
ولكن حيت صبروا وخدموا
فالخلاصة نقدر نقولو باللي الفيسبوك ما ماتش
الفيسبوك غير تبدل
واللي غادي يربح فالمرحلة الجاية هو اللي غادي يفهم هاد التغيير ويستغلوا
إلى كنت من الناس اللي مازال متردد
دابا هو الوقت
وإلى كنت خدام دابا
كمّل ومتوقفش
الطريق ماشي ساهل
ولكن النتيجة كتستاهل
واللي جاي أفضل بإذن الله