اخطر الفيروسات لي كتهاجم جهازك وكيف تحمي راسك منها بسهولة – Computer Basics

لسلام عليكم ومرحبا بكم فهاد الدرس الجديد اللي جا مكمل للسلسلة اللي بدينا على اساسيات الحاسوب واللي الهدف منها انها تعطي للناس اللي ماعندهومش تجربة كبيرة فرصة باش يفهمو كيفاش يتعاملو مع البيسي ديالهم بلا مايضيعو وقت بزاف ولا يبقاو خايفين من اي حاجة الكمبيوتر راه ماشي ديك الغولة اللي كيشوفو الناس فالأفلام بالعكس راه غير جهاز عادي ولكن خاصو يعامل بطريقة صحيحة باش مايديرش مشاكل واليوم غادي نهضرو على الفيروسات اللي هما من اكثر الحوايج اللي كتخوف بزاف الناس وكتخليهم كيصبنو من شوية

قبل مانبدا خاصنا نفهمو شنو نقصد بكلمة فيروس فالانفورماتيك راه الكلمة بزاف ناس كيسمعوها ولكن قليل اللي فاهم معناها الحقيقي الفيروس فالعالم الرقمي راه ماشي كائن حي ولا شي حاجة سحرية لا لا الفيروس راه غير برنامج مكتوب بطريقة خبيثة يعني شي حد قاصد يصيب الاضرار كتب كود كيخلي البرنامج يدير حاجة ماشي قانونية مثلا كيخربق لك الملفات كيخبيهم عليك كيشفرهم باش يرجع يطلب منك الفلوس باش يرجعهم ليك ولا كيدير اشهارات كيبانو فوجهك منين ماتكون باغي تخدم ولا يقدر حتى يشل الجهاز كامل ويدير فيه فوضى بلا حدود المهم هو ماشي برنامج نافع بحال واتساب ولا المتصفح لا راه برنامج كيقلب غير كيفاش يربح على ظهرك بلا مايحشم ولا يستحى

والمشكل الكبير هو ان الفيروسات ماعمّرها كاتجي بوحدها هي كتجي غير ملي الانسان كيدير الغلط وماكيديرش الحذر كاف والناس اللي كيطيحو ضحية لهاد الفيروسات غالبا ماشي حيت ماعارفينش يستعملو الكمبيوتر ولكن حيت كيكونو مستعجلين ولا باغيين شي حاجة فابور ولا باغيين يتهربو من الدفع مثلا كيكون شي برنامج غالي ومحتاجو فكيقلب على نسخة مكرّكة ومن تما كيدخل البلاء للبيسي بلا مايحس

المشكل ان بزاف كيظنو ان بمجرد مايحطو اونتي فيروس فالجهاز ديالهم غادي يسالي ليهم المشكل راه الحقيقة شي حاجة اخرى خاص الشخص يعرف ان لونتي فيروس راه غير مساعد اضافي كيعاونك فالكشف ولكن ماقدراش يمنع كلشي حيت صانعي الفيروسات كيتطورو كل نهار وكيخرجو طرق جديدة باش يدوزو من بين ثقوب الامان وحتى لو كان عندك اقوى برنامج فالدنيا وكنت كتشارجي اي حاجة كتجي قدامك فغادي توقع فالمصيدة من الاول

باش تحمي راسك بصح خاصك تعرف منين تيجي الخطر اغلب الفيروسات كتجي من الروابط المشبوهة اللي كيصيفطو الناس عبر الواتساب ولا الميسنجر ولا تيليغرام كيجيك بحال ليان كيدير بحال شي صورة ولا فيديو ولا شي لعبه وتكليكي عليه وبالضغية كتكون دوزتي ليه الطريق وهو يدخل يخربق ليك الجهاز وحتى من المواقع اللي كتدوز فيهم كتلقى شي مواقع اللي مصايبين غير باش يطيحو الناس كيديرو ليك تحميل برنامج ولكن وسط منه مدسوس داك الفيروس وانت ماتعرفش

هنا فين كيجي دور الوعي تحمي راسك قبل مايحميك لونتي فيروس مثلا بغيت تهبط الاوفيس ولا الورد خاصك تمشي لموقع ميكروسوفت الاصلي ماشي تمشي لشي موقع شكله غريب وداير تحميل مجاني وكيعطيك البرنامج بلا فلوس بالعقل راه الشركة الكبيرة عمرك تلقاها كتعطي منتجاتها فابور بلا سبب وكذلك مثلا فوتوشوب راه معروف بلي من شركة ادوبي ومابقاش بحال زمان اللي كان كلشي كيحطفظ به مكرّك دابا اصبحو الفيروسات داخلين فداك المجال والناس اللي كيديرو داك الكراك ماشي نيت كيريدو يساعدوك هما باغين يدخلو ديك الشفرة اللي كتخلي الجهاز ديالك يستغلهم باش يربحو الفلوس بطرق خايبة

وهنا كيبداو المشاكل كتلقى جهازك بدا يطلع اشهارات منين ماكليكيتي حتى كيبانو صور واشياء ماشي مزيانة فوجهك ولا كيبدا يحبس من الخدمة ولا كيولي بطيء وحتى الملفات الخاصة ديالك كتلقى صعيب تفتحها ولا كتختفي تدريجيا الفيروسات ماشي كلهم بحال بحال كاين اللي كيحجب الملفات وكاين اللي يمسحو كاملين وكاين اللي كيدخل يسرق كلمات السر ويدوزها لشخص اخر يعني كاين بزاف الانواع والناس للي ماعندهومش فكرة كيوقعو بسهولة

وهنا خاصنا نفهمو بلي الانسان هو اقوى نظام حماية فالدنيا ماشي البرامج البرنامج يقدر يساعد ولكن الى كان الانسان كيطيح فراسو فماكاين حتى حد يحميه الانسان الى ماكليكيش على شي حاجة مشبوهة وماكيحملش البرامج من مواقع غير معروفة صعيب يدخل ليه فيروس وحتى ملي كيتوصل بشي رابط من شي حد ماعارفوش هنا خاصو يشك ويفكر قبل مايدير اي خطوة

وحتى التطبيقات اللي كتنزل فالتليفون نفس القاعدة كتلقى شي تطبيق مثلا كيبان زوين ولكن هو من شركة مجهولة وممكن يدخل معاه شي فيروس صغير يدخل للكاميرا ولا للمايك ويجمع عليك المعلومات لذلك خاص الواحد يشوف التقييمات ويشوف عدد الناس اللي نزلو التطبيق وشكون هي الشركة المصيبة له وغالبا كاين البديل الامن

وبحكم ان النظام ديال ويندوز فيه بزاف ديال المميزات مدمجة فالاساس خاص الناس مايقيسوش شي حاجات ماعارفينهاش مثلا السيكوريتي ديال ويندوز ديافولت يستافى بزاف وكيعطي حماية مزيانة وماكيحتاجش تغييرات كبيرة فقط التحديثات ديال النظام ضروريين حيث هما اللي كيسدو الثقوب اللي يقدرو الفيروسات يدخلو منها ولكن المشكل ان الناس بزاف كيبقا عندهم الجهاز شاعل مدة طويلة وماكيديروش لا ريستارت لا والو وبهذا كيوقف الابديت وكيولي النظام ناقص حماية

وحتى كلمة السر مهمة بزاف خاص الواحد يديرها للبيسي ولكن المهم هو ماينساهش حيت كاين ناس كيدير كلمة سر معقدة بزاف وكيجيو من بعد يلقاو راسهم محبوسين برا الجهاز وكيوليو كيسولو الناس على طرق باش يفتحو الجهاز وهادشي ماشي مزيان

وبالنسبة للمواقع اللي كيدخلو ليها الناس خص الواحد دائما يشوف الرابط قبل مايدخل اليه كاين مواقع كيشبهو لمواقع رسمية ولكن هم مزورين غير مبدلين خفيف وكيطيحو ناس كثير اللي كيكليكو فيهم خصوصا ملي كيصيفط ليك شي شخص شي صورة ولا فيديو وتقولو شوف هاد شي اللي صورت ليك ولا شوف هاد اللقطة او ملف وكان شكلو عادي ولكن فالحقيقة هو فخ

والاخطر من هادشي كامل هو الناس اللي كيمشيو يحملو برامج غير قانونية وماعارفينش قيمة الخطر الفيروس اللي كيدخل مع هاد البرامج يقدر يمسح حياتك الرقمية كاملة ويمسح كلشي ويضرب ليك القنوات والصفحات وداكشي اللي بنيتيه بعرق الجبين فثواني قليلة وناس كثير وقع ليهم هادشي خصوصا اصحاب اليوتيوب كيجيهم فيروس يسد ليهم الحساب كامل ولا يدخل يبدل المعلومات ويضيع لهم كلشي

وكاين نوع اخر اللي يدير المصيبة ويجلس غير كيسلّك بوحدو يمسح الملفات وحدة بوحدة وانت تشوف الجهاز كيولي فارغ وماعرفتيش شنو وقع ولا كيفاش تحميه وكاين النوع اللي يبقى يطلع الاشهارات المزعجة اللي كتكون اغلبها متعلقة باشياء خايبة حيت اصحابها باغين يربحو الفلوس على ظهرك وانت تظن غير برنامج بسيط حملتيه

هنا خاص الواحد يكون عاقل وحاضر وميري القلب قبل ميكليكي ولا تيهبط شي حاجة والانترنت راه كبير وماشي كلشي فيه نقي ولا آمن ضروري الواحد يستعمل العقل ومايقولش كلشي فابور وهادي هي المشكلة الكبيرة عند الناس اللي كيطمعو بالحاجة المجانية بلا مايسولو علاش اصلا شي حاجة بفلوس غادي يعطيهالك شي واحد بلا مقابل

قبل ما نختم هاد الموضوع مهم بزاف نقول بلي الامان فالانترنت ماشي غير فالبيسي ولكن حتى فطريقتك فالاستعمال الى كنت كتتعامل بعقل وتفكير وكتسول على اي حاجة قبل ما تدخل لها صعيب توقع فالمشاكل حتى لو كانت الفيروسات كيتطورو كل نهار ولكن الى كنت واعي ماغاديش تمشي عليهم خدمتهم

راه اي واحد كيصيفط ليك شي رابط وماتعرفوش غير ماكليكيش عليه وخا يقنعك بلي فيه شي صورة ولا شي معلومات عليك حيت هادي من اكثر الطرق اللي كيتستعملوها فالنصب الالكتروني وحتى ملي كيصيفط ليك شي شخص واول مرة تهضر معاه على الخاص راه تأكد قبل ماشي غير ضغيا تدخل وتشوف

وفي النهاية يبقى المعنى الكبير ان الفيروسات ماقدراش تدخل لجهازك الى ماعطيتيهاش الطريق انت لي كتقول ليها تفضلي دخلي حيت منين كتكون عارف شنو كدير فالحاسوب ديالك عمرك غادي توقع فالمشاكل والناس اللي كيديرو النصب الالكتروني كيستغلو هاد الطمع اللي كاين عند الناس في الحاجة السهلة والرخيصة واول حاجة كيعلموك فالعالم الرقمي هي عمر شي حاجة فابور ما تجي بلا سبب

السلام عليكم وردو بالكم وخليو دايما الحذر معاكم فكل ضغطة وكلمة ورابط وملف وعيشو مرتاحين بلا صداع راس وبلا فيروس يدخل يهبط ليكم حياتكم الرقمية كاملة

تعديل المقال