كيفاش بدّلت حياتي بالتجارة الالكترونية وبديت غير بزوج ميّات درهم قصة واقعية غادي تشجعك تبدا دابا

كيفاش بدّلت حياتي بالتجارة الالكترونية وبديت غير بزوج ميّات درهم قصة واقعية غادي تشجعك تبدا دابا

السلام عليكم خوتي خواتاتي كيديرين لاباس عليكم كنتمنى أموركم كلها بخير وعلى خير وجيت اليوم نهضر معاكم فهاد الفيديو على واحد الموضوع اللي كيحمس بزاف وكيقرب ليكم واحد الطريق اللي ممكن تبدل حياتكم نهائيا إلى شدّيتوها بجدية وبالنية ديال الخدمة ماشي غير نهضر ونهز يدي ونقول بغيت نبدا التجارة الالكترونية ولكن ماعارفش منين نهز طرف الخيط حيث هي الطريق اللي دارت الفرق فالحياة ديالي منين كنت غير كنحلم ندير شي مشروع من تليفوني وشي نهار نربح منو شي ريال وها أنا اليوم كنحكي ليكم التجربة ديالي بتفصيل كبير باش حتى نتي ولا نتا تقدرو تبداو غير بميزانيه بسيطة كيف ما بدات أنا

فالأول خليني نقول ليكم واحد الحاجة اللي كنت أنا كنديرها قبل ما نبدا وهي أننا ديما فاش بغيت نخدم شي حاجة كان كنقلب على حاجة صغيرة ونبدا بها بلا ما نضيع فلوسي كاملة فالأمور لي مابين يدي اليوم كيما نقول ليكم تقدر تبدا غير بالتليفون ديالك بلا ما تحتاج ستور بلا ما تشري دومين بلا ما تبني لينك بيج بلا والو غير تخدم بخطوات بسيطة ومضمونة ومجربة وهادي هي الفكرة اللي غادي نشرح ليكم اليوم خطوة بخطوة بطريقتي وبأخطائي وبالأسلوب اللي غادي تحسوه واقعي مية فالمية

أنا فالبداية كنت غير كنقلب على منتوج اللي نقدر نخدم عليه وحيت هادي هي الصعوبة اللي كيوقعو فيها بزاف ديال الناس كيشدو تليفوناتهم وما كيعرفوش منين يلقاو داك المنتوج اللي يخرج عينك ويقولك ها أنا اللي غادي نخدم بيك ولكن فالواقع راه كاين بزاف الطرق اللي تقدر تلقى بيها منتوج تربح من وراه وإلى خليتي عقلك خدام غادي تكتشف بزاف ديال الحوايج اللي قريبة منك ولكن انت ماعطيتهاش الاهتمام ديالك

كنت كنمشي فتيليغرام وكنقلب على الناس ديال الجملة فالمدينة ديالي وكان كتب غير الجملة كازا الجملة طنجة الجملة مكناس وكيخرجوا ليا بزاف ديال البوستات ديال الناس اللي كايبيعو سلعة بالجملة شي جلابيات شي طواقي شي عطور شي أدوات منزلية وكيبان ليك شي حاجة اللي كتعجبك وكتقول هادي نقدر نخدم عليها هادي نقدر نبيع منها واحد العدد زوين فالنهار بلا صداع بلا صعوبة وكان كنبقى كنقلب حتى كنلقا داك المنتوج اللي كيقول ليا أنا هو اللي خاصك

وكان عندي طريقة أخرى اللي كنت كنقلب بها فالانترنت وهي أنني كنمشي لجوجل وكنكتب أديليبر او غير إعلان التوصيل مجاني وكيبانوا ليا بزاف ديال الصفحات ديال الإعلانات اللي خدامين دابا فالمغرب كتشوف شنو الناس كيبيعو وشنو الاعلانات اللي طالقة وللا وشنو النوع ديال المنتوجات اللي دارت البوز هادي الأيام وداك الشي كيعطيك واحد الفكرة زوينة باش تعرف شنو خاصك تمشي ديريكت تخدم عليه حتى نتي

وهنا فالأغلب كنت كنمشي لفيسبوك ماركيت بليس واللي على حساب تجربتي كيعتبر من أقوى الطرق باش تلقى المنتوجات اللي مطلوبة فالواقع هد الناس اللي كتشوفهم كيبيعو فالعامرة وفي ماركيت بليس بزاف منهم كيجيوهم مبيعات بلا إعلانات بلا ستور بلا والو غير فالطبيعي يعني غادي تدير بحالهم وغادي تربح إن شاء الله منين تزاد شوية ديال الشغل وتجمع راسك شوية عاد تدخل الاعلانات وهنا كيبدا الفرق الحقيقي كتولي كتجيب مبيعات بطرق احترافية

حيت انا فهاد الفيديو قررت نخدم على واحد المنتوج اللي ديجا عارف الناس اللي كيبيعوه بالجملة وعارف منين كيجي وعارف شكون كيخيطو وعارف كلشي عليه فاش جبتو للدار كتحتاج غير تصور ليه شي صور يكونو عاديين بلا فوتوشوب بلا رتوش بلا والو غير ينوضو للناس واحد الاحساس ديال أن المنتوج طبيعي ومزيان ومشعور به بحال داكشي اللي نشوفو فالدار مع الوالدة ولا الخالة هادي هي الطريقة اللي كتنجح فالبيع خصوصا فالمغرب

ومن بعد كنصاوب الأد كوبي ديالي اللي هي داك الكتابة اللي كتجي فوق البوست اللي فيها معلومات خفيفة وبسيطة باش أي واحد يشوفها يفهم داكشي اللي باغي نوصل ليه ويفهم العرض ويفهم أنه خاصو يدخل للواتساب ويسول وهادي راه مهمة بزاف لأن الكتابة اللي كتكتب فالبوست هي اللي كتجبد الزبون باش يدخل يهضر معاك

وهاد المرحلة كنبدأ ندير الترويج من الفيسبوك وكنبدا بالأساس ديال الأساس وهو الباج كتدخل لصفحات كتدير إنشاء صفحة كتختار ليها واحد الاسم مثلا أناقاتي ولا زين بلادي ولا أي اسم مزيان وتختار أنها صفحة لبيع المنتوجات ماشي صفحة ديال المحتوى وكتربط الواتساب ديال البزنس ديالك بها وهادي خطوة ضرورية حيث بلا هاد الربط ما غاديش يطلع ليك زر الواتساب فالمنشور

ومن بعد كتدير أول منشور بالصور والأدكوبي وكتسنى حتى ينشر وباش يبدا يخدم كتضرب ليه الترويج ولكن فالبداية ماشي الهدف ديالك هو البيع الهدف هو التفاعل باش الفيسبوك يعرف المنتج أش من ناس كيهتمّو بيه وباش يربط داك البوست مع نوع الزبناء اللي مهتمين به وكيولي يبان عندهم أكثر

وكنت أنا دائما كنخلي الجمهور تلقائي لأن الفيسبوك أحسن مننا فاستهداف الناس راه هو اللي كيعرف شكون مهتم وشكون لا بلا صداع بلا تخمين وتاني حاجة كندير الترويج غير بدرهمين تلتا دراهم في النهار غير نطلع شوية ديال التفاعل ونشوف شكون كيجي يتفاعل وشكون كيعلق وشكون كيبان عليه باغي يشري

ومنين كيطلع التفاعل كنحبس داك الإعلان الأول وكنرجع ندير إعلان جديد غير هاد المرة خاصو يكون الهدف ديالو الرسائل فالواتساب منين غادي يدخلو ليك الناس للواتساب كيبدأ الشغل الحقيقي هنا كتبدا تجاوبهم كتسفت ليهم صوتيات كتشرح ليهم القياسات والالوان وكتخلي طريقة التواصل تكون سهلة وبشرية ومفهومة حيث الزبون المغربي ما كيبغيش النصوص بزاف الكتير كيبغي يسمع صوت كيبغي يفهم الأمور بسرعة بلا ما يقرا بزاف

وكنت دايما كنقيد الطلبات فجوجل شيت باش يبقى عندي كلشي منظم الاسم النمرة المدينة اللون القياس الثمن والربح وهنا ما تبقاش كتخربق بين الطلبات اللي جاو فالنهار ولا شي زبون سولك فالعشية والواحد فالصباح وشي واحد بغيتي ترجع ليه وماقدرتيش هاد الجدول كينقذك من الصداع ويخلي الخدمة ديالك تبان احترافية

ومنين كتسالي وكتجمع داكشي كامل كتجي مرحلة إدخال الطلبات لشركة التوصيل كتدخل المعلومات وتخرج البوندات وكتسيفط ليهم كلشي وكتخليهم يديرو الخدمة ديالهم وكتسنى غير الرد ديال الزبناء اللي كيتوصلو بالمنتوج وكيعطيوك الخلاص وبطبيعة الحال ممكن يكونو ديال رفضات ومشكل ولكن هادي هي التجارة هادي هي الطريقة اللي كنخدم بيها وهادي هي الطريقة اللي خدمت بها من الصفر وبديت غير بدرهمين وطلعت شوية بشوية حتى وصلت للربح اللي كنت كحلم بيه

وكنبغي نقول ليكم حاجة أخرى أي واحد كيقدر يبدا هاد المشروع غير خصو غير النية والجرأة وتجربة المنتوجات حتى يلقى داك المنتوج اللي كيبيع معاه مزيان ما راه حتى واحد ما تعلم السباحة غير وهو جالس فجنب البحر خاصو غير ينقز ويدير أول حركة هادي هي التجارة الالكترونية وهاد الشي كامل تقدر ديره غير بتليفونك وبواتساب بزنس وبثمن صغير

وبغيت نقول ليكم راه غادي يجي نهار اللي تشوف فيه أول ميساج جاي من إعلان غير بدرهمين وغادي تحس بواحد الفرحه اللي ما تتوصفش وغادي تحس براسك قادر تدير بزاف وغادي تبدا تقول علاش ما بداش من قبل ولكن ماشي مشكل المهم دابا تبدا وفيق راسك وتقلب على المنتوج وتدير الصفحة وتصاوب الصور وتخدم الإعلانات وتجاوب الميساجات وتنظم الطلبات وتبدا تربح بشوية بشوية

وغير نهار على نهار غادي تلقا راسك كتطور وغادي تلقا راسك كتعرف شنو يخدم وشنو ما يخدمش وغادي تولي تعرف السوق وتفهم الطريقة اللي كيتعاملو بها الزبناء المغاربة وغادي تبدا توسع الخدمة ديالك وتنقص الأخطاء وتولي محترف وغا تبقى تذكر داك النهار اللي قلتي بغيت نبدا ولكن ماعرفتش منين واليوم ها نتي ولا نتا كتربح بالنيت وكتخدم بطريقة لي على قدك وقد التليفون اللي فجيبك

وكنخلي ليكم واحد الرسالة الأخيرة راه التجارة الالكترونية ماشي ديال النهار اللول ماشي غادي تربح من النهار اللول ولا الثاني راه خاصها صبر وتجربة وتركيز ولكن غير تمشي فيها وتتعلم غادي توصل ان شاء الله

تعديل المقال