علاش كيتسدو القنوات ديال اليوتيوب هاد الأيام؟
 |
| علاش كيتسدو القنوات ديال اليوتيوب هاد الأيام؟ |
حيتاش بزاف ديال الناس كيسولوني: علاش كيتسدو القنوات ديال اليوتيوب هاد الأيام؟
الجواب بسيط ولكن خطير
راه كاين واحد الحملة كبيرة بزاف دارتها يوتيوب
وأقسم بالله غير شفت كثر من 150 قناة تسدات
منهم ديال القصص، المقالب، الألعاب، وحتى قنوات فيها محتوى عادي بزاف
المشكل ماشي فالمحتوى فحد ذاتو
المشكل فسياسات اليوتيوب الجديدة
والأخطر من هادشي
أن اليوتيوب ولا كيعتمد على الذكاء الاصطناعي
يعني واحد الروبو هو اللي كيتخذ القرار واش القناة مخالفة ولا لا
كاين واحد السبب خطير بزاف واللي ولى كيتكرر
رسالة كتبعاتها اليوتيوب لبعض منشئي المحتوى
كيتقال فيها:
"راجعنا المحتوى ديالك ولقينا فيه خروقات جسيمة ومتكررة لسياسة سلامة الأطفال، وقررنا نحذف القناة ديالك نهائياً"
وكيزيدو يقولولك
"ما غاديش تقدر تفتح قناة جديدة ولا تدخل لأي قناة أخرى من نفس الحساب أو الجهاز"
شنو دار هاد السيد؟
كيحكي قصص مستعملة الذكاء الاصطناعي
قصص خيالية، ولكن فيها صور ديال أطفال كيبكيو، فالمستشفى، أو باين عليهم الرعب والحزن
حتى لو الصور مصنوعة بالذكاء الاصطناعي
اليوتيوب شافها محتوى درامي كيسبّب الأذى النفسي للأطفال
النتيجة؟
قناة فيها نص مليون مشترك تحيدات
ما تنقداتش حتى بمراجعة
فإلى كنتي كتدير فيديوهات ديال الأطفال، المقالب، القصص، أو أي نوع آخر
خلي بالك بزاف
بلاش تصاور فيهم دم
بلاش طفل كيبكي
بلاش كلمات كيفما: الشرطة، الحقنة، العنف، الرعب
وخا تكون ناوي غير تحكي قصة
الذكاء الاصطناعي ماشي بحال بنادم
ما كيفرقش بين الخيال والواقع
وكيبني القرار ديالو على الصورة والمشهد فقط
وخا القصة تكون زوينة
وخا تكون فيها عبرة
إلى فيها إيحاء بالأذى لطفل
راها مخالفة
اليوتيوب دابا ولا كيعطي أهمية كبيرة لحماية الأطفال
وما عندوش تساهل فهذشي
لدرجة ممكن يمنعك من إنشاء أو الدخول لأي قناة نهائياً
نصيحة من القلب
رد البال على المحتوى ديالك
رد البال على الصور المصغرة
رد البال على العناوين
ورد البال إلى كنت كتدير لايفات وكيظهر فيها ولدك ولا بنتك
اليوتيوب ما بقاش كيقبل أي خطأ
والمراجعة ما كتضمنش ترجع القناة
وحتى القنوات اللي عندها آلاف أو مئات الآلاف ديال المشتركين
كاتمشي فغمضة عين