علاش كيتسدو القنوات ديال اليوتيوب هاد الأيام؟

بزاف ديال الناس ولات كترجع عندي فهاد الأيام وكتسولني سؤال واحد كيتكرر بزاف علاش كيتسدو القنوات ديال اليوتيوب علاش يوتيوب ولى كيشد القنوات ويسدها حتى وهي خدامة مزيان وحتى وهي ما فيها لا مخالفات واضحة لا مشاكل

الحقيقة أن الجواب بسيط ولكن فيه خطورة كبيرة ماشي حيث انت درتي شي حاجة خطيرة ولكن حيث اليوتيوب تبدلات القوانين ديالو وولات كتشدد بزاف على بزاف ديال الحوايج اللي من قبل كانت عادية وولات اليوم كتشكل خطر على القناة

راه كاينة واحد الحملة جديدة دارتها اليوتيوب ولات كتعتمد بزاف على الذكاء الاصطناعي فالمراجعة يعني الروبو هو اللي ولا كيقلب فالمحتوى وكيحكم واش الفيديو ديالك صالح ولا لا واش القناة كتخالف شي قانون ولا لا وهدشي خطير حيت الروبو ما كيفهمش السياق بحال بنادم

اللي زاد الطين بلة هو أن بزاف ديال الناس اللي كيديرو محتوى عادي بداو كيتوصلو برسائل من اليوتيوب كيقولولهم فيها تم مراجعة المحتوى ديالك ولقينا فيه خروقات خطيرة ومكررة وقررنا نحذف القناة ديالك بشكل نهائي

وكيزيدو يقولو ليك ما غاديش تقدر تفتح قناة جديدة ولا تدخل لأي قناة أخرى من نفس الحساب ولا نفس الجهاز يعني يسدو عليك البيبان كاملة وهدشي راه واقع وقع لناس كثار شفتهم بعيني قنوات ديال القصص قنوات ديال المقالب قنوات ديال الألعاب وقنوات فيها محتوى توعوي وحتى ديني

واحد من الأسباب الخطيرة اللي ولا كيتكرر هو أن القناة كتكون فيها محتوى ظاهر فيه أطفال كيبكيو ولا في حالة رعب ولا فمستشفى ولا حتى إيلا كانت الصور مصنوعة بالذكاء الاصطناعي راه كيبقا الخطر موجود لأن الروبو ما كيعرفش واش الصورة حقيقية ولا مزورة هو غير كيشوف التأثير ديالها

تصور معايا قناة فيها نص مليون مشترك كتبدا من الزيرو وتخسرها غير حيث فشي قصة حطيت صورة فيها طفل باين عليه الرعب ولا الدم ولا شي حاجة كيعتبرها الروبو إيحاء بالعنف تجاه الأطفال وكيعتبرها مخالفة لقوانين سلامة الأطفال

اليوتيوب دابا ولا كيعتمد بزاف على سياسات السلامة وخصوصا السلامة النفسية للأطفال وكلشي اللي فيه مشاهد درامية أو فيها دم أو رعب ولا حتى كلمات فيها إيحاء بالحقن ولا الشرطة ولا المرض ولا المستشفى راه كلها ولات كتشكل خطر على القناة

حتى لايفات اللي كتديرهم فدارك وكيظهر فيهم وليدك ولا بنتك بلا قصد راه ممكن تكون سبب فشي إبلاغ والروبو كيتكلف بالباقي

واللي كيزيد الطين بلة هو أن حتى إيلا طلبتي مراجعة بشرية راه ماشي دائما كيرجعو القناة راه بزاف ديال القنوات طلبات المراجعة وجاها الرفض النهائي وقالو ليهم بشكل رسمي أن القناة تحيدات وما غاديش ترجع

يعني ماشي حيث القناة فيها مشتركين بزاف ولا فيديوهات خدامة غادي يكون عندك ضمان أنك في مأمن اليوتيوب ما بقا كيتساهل مع حتى واحد فالسياسات ديال الأطفال وهدشي ولى فيه تشدد كبير

الخطير هو أن بعض القنوات كانت كتحكي قصص عادية ولكن فيها كلمات كيفما الحقنة البكاء الألم الشرطة الطفل كيعيط الطفل مريض وهدي كلها كلمات ممكن تثير الذكاء الاصطناعي ويديرها فخانة المحتوى العنيف أو اللي فيه إيحاء بالإيذاء

وحتى الصور المصغرة راه عندها دور كبير إيلا درتي فيها مثلا طفل كيبكي ولا باين عليه المرض ولا شي صورة مظلمة فيها دم راه كتحسب مخالفة بلا ما تقصد

كاين اللي دير فيديو فيه عبرة وقصة جميلة ولكن غير حيث فوسطها كلمة ولا صورة خرجت على المألوف اليوتيوب كيضرب القناة كاملة بلا نقاش

ومن جهة أخرى ولى كيستهدف حتى الفيديوهات ديال الأطفال اللي فيهم أصوات مرتفعة ولا حركات مفاجئة ولا موسيقى قوية كتعتبرها مخالفة حيث كتأثر على الحالة النفسية ديال الصغار

والذكاء الاصطناعي اللي كيستعملو ما كيفرقش بين الخيال والواقع ما كيهتمش واش انت ناوي تعطي عبرة ولا تربي ولا تحذر هو غير كيشوف الصورة والكلمة ويحكم

من جهة اليوتيوب هاد السياسة معقولة حيت كيبغي يحمي الأطفال من أي محتوى ممكن يضرهم ولكن من جهة أخرى خاص الناس اللي كتخدم فهاد المجال تكون واعية ومفهمة الأمور مزيان

يعني إيلا كنت كتدير قصص خيالية ولا تعليمية ولا أي محتوى فيه أطفال رد بالك من الصور من الصوت من الكلمات رد بالك من المشاهد اللي باين فيها البكاء ولا الخوف ولا الدم حتى إيلا كان غير مصطنع

وخا الفيديو يكون دكي ومصنوع مزيان وخا تكون فيه نية صافية إيلا الروبو شاف فيه شي لقطة فيها إيحاء بالخطر راه ممكن يضرب القناة كاملة بلا ما يسولك

القنوات الكبيرة ما بقاتش في مأمن وقنوات فيها مئات الآلاف ديال المشتركين مشات فغمضة عين

باش تحمي القناة ديالك خاصك من اليوم تولي كتفكر قبل ما تدير أي فيديو

قبل ما ترفع الفيديو شوف الصورة المصغرة واش فيها شي حاجة مشبوهة شوف العنوان واش فيه كلمات صادمة شوف التعليقات ديال الناس واش كيقولو ليك را الفيديو فيه مشاهد قاسية

وخا كتخدم ذكاء اصطناعي ورد بالك الصور راه حتى إيلا كانت مولدة بالإي آي الروبو ما كيعرفش الفرق وممكن يحسبها حقيقية

وملي كتولي دير محتوى فيه ناس صغار ولا حتى إيحاء بهم خاصك تكون شديد الحذر ماشي غير فالكلام حتى فالمونتاج حتى فالموسيقى وحتى فالفيديو اللي كيجي من المصادر الخارجية

هادشي كامل كيتطلب منك تعيد النظر فطريقة الإنتاج ديالك ولا تبقى تابع القنوات الأخرى اللي كيديرو قصص بطريقة عشوائية وتقول علاش أنا سدّو ليا القناة حيث كل واحد والظروف ديالو وكل واحد وشحال دار من مخالفة قبل

النصيحة ديالي ليك هي تبدأ من اليوم تراجع المحتوى ديالك تشوف الفيديوهات القديمة تشوف الصور المصغرة ديالهم تبدلهم إيلا حسيت فيهم شي حاجة مشبوهة

وماشي عيب تبدا من جديد ولكن عيب تخسر كلشي بسبب الإهمال

اليوتيوب دابا ولا صارم وحتى الدعم ديالو ما كيبقاش يجاوب بسهولة وحتى إيلا جاوبك غالبا الجواب كيكون نهائي

القناة ديالك هي راس مالك وما خاصكش تضيعها في فيديو فيه لقطة وحدة فيها دم ولا رعب ولا طفل كيبكي ولا شي كلمة غير مناسبة

وخا يكون الفيديو ناوي بيه الخير راه ماشي كلشي كيتشاف بنيّة

الذكاء الاصطناعي ما عندوش مشاعر ما كيفهمش السياق

واليوتيوب ولا معتمد عليه بشكل كبير

يعني من اليوم خاصك تولي تحسب لكل كلمة وكل صورة وكل حركة الحساب

وما تبقاش تقول أنا صغير ما عنديش مشتركين بزاف راه الروبو ما كيشوفش العدد كيشوف المحتوى

وحتى القناة اللي دارت مخالفة وحدة ممكن تتحيد وماتبقاش

رد البال خاي ورد البال مزيان

بدا تنظف القناة ديالك ودير المحتوى اللي فيه قيمة بلا إيحاءات سلبية ولا صور درامية ولا كلمات تخلع

وخلي الطموح ديالك يبقى حي ولكن معاه الوعي والحذر

الربح من يوتيوب زوين ولكن خاصو يكون مبني على أسس صحيحة

وما تبقاش تقول ما غاديش يوقع ليا راه كولشي ممكن

اللي باغي النجاح لازم يكون فاهم اللعبة

واللعبة تبدلات بزاف فهذ العام

كون حريص وغادي تبقى واقف وغادي تزيد تطور بلا ما يهددوك بالإغلاق ولا تقولي خسرت كلشي فنهار

نتمنى السلامة لكل قناة وكل محتوى صادق وكل واحد باغي يخدم بنيّة

وخليك ديما عارف أن اليوتيوب ما بقاش ساهل

ولكن اللي واعي غادي يستمر وغادي ينجح

تعديل المقال