🔥 شروط الربح من فيسبوك 2026 | كيفية تحقيق الدخل بدون دعوة للمبتدئين

السلام عليكم ورحمة الله وبركاته
مرحبا بكم كاملين

اليوم جايب ليكم خبر الموسم وبصراحة خبر غادي يفرّح بزاف ديال الناس
إلى كنت منشئ محتوى ولا عندك صفحة ففيسبوك
حيت من 2026 متوقّع أرباح فيسبوك تطلع بنسبة كبيرة وقد توصل حتى للضعف

علاش
حيت فيسبوك بدا فعلا كيطبّق واحد التحديث قوي بزاف
هاد التحديث ما بقاش كيخدم بنظام الدعوات اللي كان ظالم بزاف ديال الناس

النظام القديم كان كيعطي الصفحات الصغيرة غير دراهم قليلة
وتفرح بـ عشر ولا عشرين دولار وما كتقبض والو
وفنفس الوقت كيهبّط أرباح الصفحات الكبيرة اللي كتخدم بجد

دابا فيسبوك فاق
وحس بالخطر
وحس أن يوتيوب وتيك توك سبقوه
وقال خاصنا نبدلو اللعبة

ومن هنا جا النظام الجديد
نظام كيخدم بالعقل وبالمنطق
وكيشوف واش انت فعلا منشئ محتوى ولا غير كتنشر أي حاجة

والمهم فهاد الشي كامل
أن الشروط ماشي تعجيزية
بالعكس سهلة وبسيطة وأي واحد يقدر يحققها

أول شرط
خاص يكون عندك فوق 18 عام

ثاني شرط
تكون مقيم فبلد مؤهلة للربح من فيسبوك

ثالث شرط
يكون عندك صفحة ولا بروفايل مهني داز عليه على الأقل شهر
ماشي دابا دير صفحة وتطلب الربح غدا

رابع شرط
توصل لعدد معين ديال المتابعين
واللي هو رقم معقول وسهل
حيت ففيسبوك المتابعين كيطلعو بطرق بزاف
بالريلز
بالشيرات
بالمسابقات
حتى بالإعلانات إلا بغيت

خامس شرط
تحقق عدد مشاهدات خلال آخر 28 يوم
وهاد الرقم قليل بزاف مقارنة مع يوتيوب

فيوتيوب كيطالبوك بملايين المشاهدات
وفيسبوك دابا ولى كيشجع الصغار قبل الكبار

وهنا كنستنتجو واحد الحاجة مهمة
فيسبوك ما بقاش منصة ديال فيديوهات طويلة
تحوّل تقريبا لمنصة ريلز

وهذا كيدخلنا لسؤال خطير
واش ممكن حتى يوتيوب فشي نهار يفرض المحتوى العمودي
ويحبس الفيديوهات بالعرض

إلى وقع هاد الشي
غادي تكون ضربة كبيرة
خصوصا للبودكاست
الفلوغات
والمحتوى الطويل

ولكن دابا
الفرصة قدامك
خصوصا ففيسبوك

الربح غادي يكون بدون انتظار دعوة
وبدون تحكم في الأرباح
وبدون ظلم

قول ليك حاجة
إلى طبّق هاد النظام فالمغرب وباقي الدول العربية
غادي يتبدل واقع بزاف ديال صناع المحتوى

كتب ليا فالتعليقات
شنو رأيك فهاد الشروط
واش سهلة ولا صعيبة
وشنو توقعك لوقت التطبيق

إلى اللقاء
ما تنساش لايك
سبسكرايب
وتشارك الفيديو مع أي واحد باغي يربح من فيسبوك

تعديل المقال