علاش خاصك تديرها فالحين بلا تردد
 |
| علاش خاصك تديرها فالحين بلا تردد |
السلام عليكم ومرحبا بكم فواحد الحلقة جديدة من سلسلة اساسيات الكمبيوتر كنتمنى تكونو بخير وعلى خير كيف ما عارفين هاد السلسلة موجهة للناس اللي باقيين جدد فالعالم ديال الحاسوب وحتى اللي كيتعاملو غير مع التليفونات حيث نفس الفكرة ونفس المفاهيم ولكن الحاسوب كيحتاج واحد التركيز شوية لأن المعلومات كتكون اكثر وضوح
اليوم غادي نهضرو على واحد الموضوع مهم بزاف وحتى الناس اللي متقدمين كيغفلو عليه وهو التحديث ديال البرامج ولا ما يسمى بالابديت بزاف ديال الناس كيشفو كلمة ميزاجور وكيركبو عليهم الفوبيا وكيبقاو يلغيوها وماكيبغيوش يديرو التحديثات وهاد الشي بصراحة خطير
دابا اول حاجة خصنا نفهمو الفرق بين الهاردوير والسوفتوير اللي شفناه فالحلقة اللولة الهاردوير هو الحديد البلاستيك القطع اللي كتقدر تشوفها بعينيك واللي كتلمسها اما السوفتوير فهي البرامج اللي خدامة وسط الجهاز بحال التطبيقات اللي فالتيفون وبحال البرامج اللي فالحاسوب هاد البرامج كتطور وكيخرجو ليها نسخ جديدة من حين لآخر
علاش كيخرجو نسخ جديدة حيث الشركة كتكتاشف مشاكل وكتصححهم وكتضيف ميزات اخرى وبطبيعة الحال كتساير التطور ديال الاجهزة شي مرات كتدخل لتطبيق ديال البنك وتلقاه ماخدام شي ولا كيبلوك وكتقول مالو هادشي ولكن فالحقيقة راه كاين خطأ ف النسخة واللي خاص الشركة تصلحو وكتخرج تحديث ونتا خاصك تهبطو
مثال بسيط يوتيوب فواحد الوقت ماكانش فيه ميزة الربح للكل من بعد زادوها فنسخة جديدة وكتلقى الناس كيقولو خرج تحديث فيه مميزات جديدة صلحنا المشاكل القديمة وهادي هي الفكرة
انت اللي خاصك تدير هو انك تجدد داك البرنامج وتحدتو باش تشد النسخة الجديدة وتفلت من المخاطر لأن بعض المشاكل كيستغلوهم الهاكرز ويدخلو ليك للبرنامج ويقدرو يحيدو ليك معلوماتك وصورك ويبتزوك وهنا كيبدا القلق والبكاء وكاين اللي يوصل للانتحار الله يحفظ هاديك علاش انا كندير هاد السلسلة باش نفهمو مزيان شنو كاين
الانترنت راه بحال الزنقة ولكن الزنقة ديال العالم كامل اذا درتي حاجة خايبة تلقى كاميرات ولكن فالانترنت ملي تحط صورة راه تقدر تبقى تقرا عند الناس بزاف وماعمرها تمشي فحالها فدير بالك مزيان
رجعو للموضوع التحديثات فالتليفونات مثلا سامسونغ كيطّلع ليك ميساج فيه تحديث والناس كيعطيوه الغفلة كيكليكو على لا ويمشيو فحالهم هادي غلط كبير خصك دير الميزاحور لأنه كيزيل المشاكل ديال الأمان وكيدير ميزات جديدة
نفس الشي فالكمبيوتر كتمشي للسيطينغ او لويندوز سيتينغ وكتلقى واحدة الخانة فيها الابديت والسكوريتي هادي كتديرها من حين لآخر باش تضمن السلامة ديال الحاسوب وكذلك الأنتي فايروس وهدشي كامل مهم
فاش كتدخل للسيطينغ كتلقى بزاف ديال الحوايج الشاشات الاصوات النوتيفيكاسيون خاصك غير تعرف الاسماء وتفهم شنو كيعني كل واحد ماتخافش غير قلب وشوف كل حاجة بوحدها وداكشي بسيط ولكن الناس كتقول صعيب ولكن فالواقع غير المفهوم هو اللي مهم
كاين ايضا الكونت اللي تقدر تدير فيه الباس باش مايدخلش شي واحد للجهاز ديالك بلا إذن وتقدر حتى تقسم الحسابات بينك وبين ولداتك باش كل واحد عندو الملفات ديالو
البرامج ايضا كتحتاج التحديث بلا تحديث كتبقى معرض للاختراق خاصك دير التحديث للتليفون من البلاي ستور والكمبيوتر من الويندوز ابديت وحتى التطبيقات واحد بواحد
حاجة اخرى اللي خاصك تعرف أن الابديت ماشي بزاف الوقت كيبان كتضغط عليه ويبدا كيقلب واش كاين تحديث ولا لا واذا لقا كيبدأ يهبط ويصلح المشاكل وكيولي اللون ديالو خضر يعني الامان بخير
واهم حاجة مانبقاوش مهملين هاد الامور لأن الانترنت ماشي لعب وكل دقيقة كيبانو اختراقات جديدة
وغادي نشوفو ان شاء الله فالحلقات الجاية مواضيع اخرى على الحماية والانتي فايروس وكيفاش تتفادى المخاطر
نتمنى تكون الرسالة وصلات وبسلامة عليكم تشاو تشاو