كيف قرار بسيط يغيّر مسارك المالي؟ الفرق بين 3 شخصيات مالية… وستصدم من النتيجة!

كنت باغي نهضر معاك اليوم على واحد الفكرة اللي ممكن تبدل مسارك المالي بلا ما تحس وبلا ما تحتاج تكون خبير ولا عندك بزاف ديال الفلوس الفكرة جاية من قصة بسيطة بزاف اللي كتجمع ثلاث شخصيات كيعيشو بيناتنا كل نهار وكل واحد فيهم كيقرر شنو يدير مع داك المبلغ البسيط اللي كييبدا بيه الشهر وكتلقى واحد فيهم كيمشي بلا رجعة وواحد كيدبر راسو شوية وواحد قافز على راسو وكيحول داك الشي لمصدر دخل جديد

تخيل معايا واحد الشخص اللي كيبدا الشهر ومعاه مبلغ بسيط وغادي يخليه يضيع كل نهار على قهوة ولا حاجة كتطير وما كتخلي حتى أثر فالأرض كيشرب القهوة ديالو مرتاح ولكن فآخر الشهر كيكتاشف بلي المبلغ مشا كامل وماباقي والو غير ذكريات ديال كيسان قهوة صورهم غير فالمخ

من بعد كنلقاو واحد آخر تقريبا بحالو فالدخل ديالو ولكن راسو خدام شوية وكيقول علاش نخلص قهوة من برا وأنا نقدر نجيب كيس قهوة مزيان ونديرها فدارنا ويرجع لي نفس الإحساس وربما حسن فبدأ كيشري الكيس وكيقسمو على الأيام وكيكتاشف بلي داك المبلغ اللي كان كيمشي كامل باقي عندو شوية وولا كيديرو فشي حاجة كتزيد قيمتها مع الوقت بحال الذهب ولا شي حاجة كتربح

ولكن الشخصية اللي غتبقا فبالك هي هديك اللي كتكون غير كتشوف وكتخمم شنو يقد يدير مختلف هاد السيد قال واخا دخلي ماشي كبير وداك المية ريال كتفرق معايا ولكن نقدر نستغل هاد القضية ونحولها لشي حاجة كترجع ليا فلوس من بعد مشا شرا قهوة بحال اللي كيشري صاحبنا الثاني ولكن زايد عليها شرا كثر من الحاجة ديالو وبدى يحول القهوة اللي زايدة لكؤوس صغار وكيبيعها فخدمتو ووسط العائلة بعشرة دراهم كيقول للناس ها القهوة دقة دقة بحال ديال الكافي وفعلا الناس كيبغيو الحاجة بنينة ورخيصة

فالشهر الأول خرج عليه الربح وشاف بلي مورا ما يشرب القهوة ديالو بقى معاه فلوس أكثر من اللي بدا بهم وهنا بدى المخ ديالو يخدم واخا الدخل قليل قدر يقلب السلعة وبيعها ويرجع يعاود يشري ويبيع وكان كيحط شوية فشي حاجة كتزيد القيمة واحد شوية كيتسنى بيه الشهر الجاي يبدا من جديد

القصة اللي قلت ليك بغيتك غير تفهم منها هاد الفكرة اللي كانت ديما قدامنا وأنا وياك ما كناش كنشوفوها الاقتصاد كامل مبني على واحد الحركة بسيطة أنا عندي سلعة وانت عندك فلوس كتجي كتقولي بغيتها ونعطيها ليك ونرد الفلوس لي فهاد اللحظة راك درتي تجارة بلا ما تحتاج محل ولا رأس مال كبير مجرد فكرة صغيرة كتولد حركة ديال فلوس

كثير من الناس كيضربو العام كامل وكيصرفو الفلوس غير فالحوايج اللي كتمشي بلا رجعة وعمرو كيجي فبالهم يشري سلعة بسيطة ويرجع يبيعها بحال شي تمر مزيان ولا شي تين ولا ستاند ديال الطوموبيل ولا شي حاجة الناس محتاجاها من لي كتفهم الاحتياج كلشي كيولي ساهل كتلقى غير عشرة ديال الناس باغين داك المنتوج وكتسالي القضية

ولا حتى فاش كتكون باغي تبدا مشروع كيبدا العقل يعقد الأمور وكتقول خاصني محل وخاصني عمال وخاصني ديكور ولكن الحقيقة أنك تقدر تبدا غير بفكرة صغيرة وسلعة بسيطة وكتكبر مع الوقت وهادشي كامل كيحتاج غير شوية ديال الشجاعة وشوية ديال الصبر وداكشي اللي تقدر تخسره فالطريق غير شي ميات دراهم ماشي شي مبلغ كبير اللي يخوفك توقف

أنا بغيت غير نقول ليك بلي كل واحد فينا بدا كيبدا بنفس الانطلاقة ولكن النهاية كتختلف على حساب القرار اللي كيدير كل نهار اللي كيستهلك كيبقى بلا والو واللي كيدبر كيبقى عندو شي حاجة واللي كيفكر كيربح وكيكبر وكيزيد خطوة للقدام حتى لو البداية بسيطة

وخا نخلي لك هاد الرسالة الأخيرة توقف تفكر راسك فاي صنف بغيتي تكون واش اللي كيستهلك كلشي بلا رجعة ولا اللي كيدبر ويخلي شوية ولا اللي كيدخل فالدورة ديال البيع والشراء ويبدأ يصنع لنفسو مدخول جديد من ولاو

هادي هي الفكرة يا صديقي الجميل وخا بسيطة ولكنها كتبدل الحياة كاملة بلا ما تحس

تعديل المقال