الطريقة السرية باش تزود مشاهدات يوتيوب بسرعة وبطريقة قانونية

السلام عليكم وصحا فطوركم ولا صباحكم ولا عشاكم على حساب الوقت اللي كتفرجو فيه عليا ومرحبا بكم فهاد الجلسة الجديدة اللي غادي نهضر فيها على موضوع مهم كيهم بزاف ديال الناس اللي عندهم قنوات فاليوتيوب وباغيين يكبروها ويزيدو منها المشاهدات بطريقة قانونية بلا صداع الراس وبلا مشاكل مع السياسات ديال المنصة

اللي كيتكرر بزاف هو أن الناس كيبدلو جهد كبير كيبداو قناة بحماس كبير كيوجدو الكاميرا كيسجلو الصوت كيديرو المونتاج كيسهرو الليالي باش يوجدو فيديو محترم ولكن ملي كيحطوه كيصدمو أن المشاهدات قليلة بزاف والنتيجة بعيدة على اللي كانو كيتصورو ومن تما كيجي الإحباط كيبداو يفكرو يلا القناة ما عندهاش مستقبل ولا خاصهم يقلبو على طريق مختصر وهنا كيطيحو فالخطأ الكبير ديال شراء المشاهدات أو استعمال تطبيقات كتحايل على النظام وهادشي خطير بزاف حيت يقدر يضيع ليك القناة كاملة

أنا اليوم جاي نشارك معاكم حل قانوني وسهل ولكن خاصو الصبر والتخطيط وخاص الواحد يعرف كيفاش يخدم على الفيديو من قبل ما يتنشر أصلا النجاح فاليوتيوب راه ماشي صدفة وماشي حاجة كتجي فليلة وحدة النجاح هو تراكم ديال خطوات صغيرة كيديرها الواحد كل نهار

نبدأ بالعنوان حيث هو الباب الأول اللي كيشوفو المشاهد قبل ما يدخل الفيديو إلا كان العنوان باهت بحال مثلا وصفة طبخ وكتبت فقط طاجين الخضر الناس غالبا غادي يدوزو عليه ولكن إلا عطيت العنوان واحد الطابع مشوق بحال سر الطاجين اللي كيدوب فالفم ولا الطريقة السرية باش ينجح الطاجين ديما هنا المشاهد كيتحمس وكيبغي يكتشف شنو كاين فالفيديو وكيضغط يشوفو العنوان هو اللي كيخلق الفضول الأول

من بعد خاصنا نهضرو على الصورة المصغرة وهدي ماشي غير زينة للفيديو بالعكس راه بحال إعلان تجاري هو اللي كيجبد العين ديال المشاهد إذا درتي صورة باهتة بلا ألوان واضحة بلا تعابير وجه ولا نص كبير راه الناس غادي يتجاهلو الفيديو ولكن إلا كانت صورة فيها ألوان قوية نص واضح ومقروء وتعبير كيحرك الفضول راه كترفع نسبة الضغط على الفيديو بزاف

الوصف حتى هو مهم حيت بزاف كيهملوه كيكتبو جملة قصيرة ولا ما كيديروش حتى شي حاجة ولكن الوصف هو المكان اللي كتعطي فيه يوتيوب الإشارات على المحتوى ديالك إذا درتي كلمات مفتاحية اللي الناس كيقلبو عليها الفيديو كيقدر يبان فالنتائج ديال البحث مثلا إلا كنتي كتهضر على الربح من الانترنت كتب جمل اللي فيها عبارات بحال كيفاش نربح من الانترنت طرق الربح من اليوتيوب أسهل طرق باش نحقق دخل من الانترنت هادشي كامل كيساعد الفيديو يبان لأكبر عدد

ومن بين الحوايج اللي عندها وزن كبير التفاعل ملي الناس كيدخلو يتفرجو فالفيديو إلا عجبهم ودارو لايكات ولا كتبو تعليقات وانت جاوبتي عليهم ولا شاركو الفيديو مع صحابهم هادشي كيخلي يوتيوب يشوف أن الفيديو عندو قيمة ويبان لناس آخرين التفاعل راه بحال دم الحياة بالنسبة للفيديوات

ما نساوش وقت النشر حيت راه عندو تأثير كبير بزاف الناس كيحطو الفيديو فاي وقت ولكن الحقيقة أن الجمهور عندو أوقات معينة كيتفرج فيها إلا نشرتي الفيديو فهاد الأوقات غادي ياخد دفعة كبيرة من الأول ويتفاعل معاه الجمهور بسرعة مثلا كاين جمهور كيحب يتفرج فالليل وكاين اللي كيحب الويكاند هنا خاصك تراقب الإحصائيات ديال القناة وتشوف أش من أوقات كيتواجدو فيهم المتابعين ديالك أكثر

دابا نوصل للنقطة الأهم اللي هي المحتوى حيت مهما كان العنوان قوي والصورة المصغرة جذابة والوصف مليان كلمات مفتاحية إذا كان الفيديو ما فيهش فايدة المشاهد غادي يهرب منو وما يكملوش وبالتالي الفيديو غادي يطيح بسرعة من النتائج أما إذا كان المحتوى فيه قيمة كيضحك الناس كيخليهم يتعلمو حاجة جديدة كيعطي معلومة صحيحة ولا تجربة شخصية هنا الناس كيكملو المشاهدة وهادشي كيخلي الفيديو يكبر ويبان أكثر

واحد الحاجة اللي خاص الواحد يعرفها أن الطريق فاليوتيوب طويلة ماشي حاجة كتجي فليلة وحدة ولا فشهر واحد خاص الواحد يصبر يخدم فيديو من بعد فيديو وكل فيديو كيتعلم منو حاجة جديدة يطور الأسلوب ديالو يشوف شنو كيحبو المتابعين ويعاود يدير فيديوهات مشابهة وهكذا كيولي القناة كتزيد خطوة بخطوة

حتى الأخطاء ما خاصناش نخافو منها بالعكس هي اللي كتعلّمنا إلى درتي فيديو وما نجحش راك غادي تستفد منو وتشوف فين كان الخلل المرة اللي من بعد تصلح وغادي تشوف نتائج حسن النجاح راه تجربة مستمرة ماشي محطة وحدة

الخلاصة اللي نقدر نعطيك هي ركز على العنوان الجذاب اللي يشد الانتباه ركز على الصورة المصغرة الواضحة بالألوان والنص الكبير ركز على الوصف المليان بالكلمات اللي الناس كيقلبو عليها جاوب على التعليقات وخلي التفاعل حي حاول تنشر الفيديو فالأوقات المناسبة وخلي المحتوى صادق وعندو قيمة باش المشاهد يكمل معاك

وخا الطريق طويلة والنتيجة ما كتشوفهاش بسرعة إلا خدمت بصبر واستمرارية غادي توصل لهدفك إن شاء الله يوتيوب منصة كبيرة والفرص فيها ما كتساليش ولكن اللي كيربح فيها هو اللي كيعطي قيمة حقيقية للجمهور

تعديل المقال