كيف غادي يغيّر الذكاء الاصطناعي حياتك الرقمية؟ اتجاهات خطيرة مايمكنش تجاهلها
 |
| كيف غادي يغيّر الذكاء الاصطناعي حياتك الرقمية؟ اتجاهات خطيرة مايمكنش تجاهلها |
السلام عليكم خوتي وخوتاتي
اليوم جبت ليكم واحد الموضوع بصراحة كيخليني شخصيا نحس بالحماس ولكن فنفس الوقت بالخوف
حيت العالم راه كيتبدل بسرعة والناس لي مازالين ناعسين غادي يفيقو نهار يلقاو الدنيا دازت من قدامهم
الموضوع ديالنا دابا هو الذكاء الاصطناعي
آه سمعتو عليه
ويمكن جربتو شوية ديال الأدوات بحالو
ولكن واش عارفين شنو كيتخبى ورا هاد التقدم
شنو الاتجاهات لي كتطور فصمت
وغادي ترسم طريقة جديدة لحياتنا الرقمية بلا مانحسو
بلا مانكونو مستعدين
أنا غادي نحاول نهضر معاكم اليوم بحال إلى كنهضر مع راسي
بلا تصنع
بلا مصطلحات كبيرة
غير نبقاو فالأرض
ونفهمو شنو واقع
الذكاء الاصطناعي ما بقاش خرافة علمية
ما بقاش حاجة كتشوفها فالأفلام ولا فالأخبار
راه دابا ولا وسط الميسنجر ديالك
وسط تطبيقات الترجمة
وسط تيكتوك وانستاغرام
وسط التصاور لي كتشوف
وسط الكلمات لي كتشوفها فالترند
كلشي خدام وراه خوارزميات كتتعلم من السلوك ديالك وكتصاوب ليك محتوى خاص بك انت
واش عمرك فكرت علاش فاش كتقلب على شي حاجة
غادي تبقى تطلع ليك فكل بلاصة
وحتى بلا ما تقلب
الجواب هو الذكاء الاصطناعي
راه ولا كيراقبك كيتعلم منك
وكيبني بروفايل خاص بك
يعني حياتك الرقمية كلها تقريبا ولا فيها توجيه غير مباشر
راه الشركات الكبرى كتخدم على تطوير أدوات ذكية تقدر تدير لك بزاف دالحوايج
تقدر تجاوب على الايميلات
تقدر تهضر مع الزبناء
تقدر تكتب مقالات
تقدر تمنتج فيديوهات
تقدر تصاوب بوستات للسوشيال ميديا
تقدر تهضر بصوتك
ولا حتى تدير عرض تقديمي بصوتك وكلامك وانت ناعس
كلشي هادشي دابا ممكن وبسهولة
ولكن المشكل هو أن عدد كبير من الناس مازال ما فايقينش
مازالين عايشين فتصور قديم على كيفاش كيخدم الانترنت
مازالين كيقلبو على خدمات تقليدية بينما العالم ديال الشغل تبدل
ماشي غير الشغل
حتى طريقة التعلم تبدلات
دابا تقدر تعلم البرمجة وانت ما فاهم والو غير كتسول شات جي بي تي وكيشرح ليك بحال إلى أستاذ ديالك
تقدر تعلم كيفاش تصاوب ديزاين
تقدر تعلم كيفاش تصاوب فيديو
تقدر تبرمج تطبيق
تقدر تكتب سيناريو
تقدر دير بودكاست
وكلشي هادشي بلا ما يكون عندك مهارات تقنية كبيرة
حيت الأدوات دابا كتسهّل عليك الطريق
وكتعطيك بداية قوية
غير خاصك تكون عندك الرغبة
فوسط هاد التغيير
كاين اتجاهات خايبة وكاين اتجاهات زوينة
كاين شركات غادي تطرد الناس
وكاين مشاريع جديدة غادي تولي محتاجة مهارات جديدة
كاين بزاف ديال الخدمات غادي تموت
ولكن كاين بزاف ديال الفرص لي غادي تولد
مثلا دابا ولا ممكن تصاوب فيديوهات تعليمية بصوت اصطناعي
ولا ممكن تصاوب كتاب رقمي فساعة
ولا ممكن تترجم مقال لعدة لغات بنقرة وحدة
ولا ممكن تصاوب صوت شبيه بالصوت ديالك وتستعملو فالفيديو
ولا ممكن تخرج بكورس كامل مهيكل ومكتوب من غير متقيس الكلافيي
كلشي هادشي كيتطلب غير شوية ديال الفهم ديال كيفاش تستعمل الأدوات
ولكن واش كاين شي واحد كيعلمنا كيفاش نستعملهم
قليل
حيت النظام التعليمي باقي غادي ببطء
ما مواكبش
والناس خاصها تبدى تعتمد على راسها
وهنا كيتطرح سؤال مهم
واش غادي نبقاو نستهلكو
ولا غادي نبداو ننتجو
راه أي واحد فينا يقدر يدخل هاد المجال
سواء كنت فالمغرب
ولا فشي دوار بعيد
ولا فمدينة كبيرة
الفرص الرقمية ما كتعترفش بالموقع
كتعترف بالمعرفة
وشحال من واحد بدا من والو
ودابا ولى كيخدم فمجال الذكاء الاصطناعي
كيبيع تصاور مولدين بالذكاء
ولا فيديوهات
ولا كتب
ولا صوتيات
ولا تصاميم
ولا حتى خدمات تسويقية
والمضحك فالأمر
أن عدد كبير من الناس باقي كيقلب على فرص العمل التقليدية
والفرص الجديدة كتمشي عند الناس لي قلبهم مفتوح وجربو
وماشي ضروري تكون محترف باش تبدا
بالعكس
الذكاء الاصطناعي جا باش يعاون الناس لي ماعندهومش تجربة كبيرة
هو الساعد لي يقدر يطلعك من القاع
غير خاصك تعرف تمسك بيه
وشحال من واحد دابا ولى كيعتمد على أدوات بحال شات جي بي تي
ولا ميدجورني
ولا كابي كات
ولا فايرفلاي
ولا أدوبي إكسبريس
ولا ديزاينر
ولا حتى تطبيقات تحويل النص لصوت
كلها أدوات متوفرة
وكاين منها المجاني
وكاين منها لي بثمن بسيط
غير الناس خصهم يشمرو على دراعهم
ويجربو
ومايبقاوش خائفين
الخوف طبيعي
ولكن إلى خليتيه يتحكم فيك
غادي تفوتك الفرصة
وماشي ساهل تلقى فرصة أخرى فبحر الذكاء الاصطناعي لي كيتطوّر بسرعة
الدول الكبرى راه كتخدم على تطوير الذكاء الاصطناعي باش تسيطر على السوق
وأحنا كنشوفو
كنبقاو نتفرجو
كنديرو سكرول
وكنضحكو على فيديوهات قصيرة
وماعارفينش أننا كل دقيقة كنضيعو وقت ممكن يدفعنا القدّام
راه المستقبل الرقمي بدا دابا
ماشي غدا
وكل دقيقة ما كتخدمش فيها على راسك
راك كتخلي بلاصتك لواحد آخر
ماشي ضروري تكون مبرمج
ولا خبير
ولا فنان
ولا عندك صوت إذا بغيت تدير محتوى
الأدوات دابا كتعطيك كلشي
غير خاصك تكون كتفكر
وخاصك تكون شوية طماع
آه طماع فالمعرفة
طماع فالمهارات
طماع فالفرص
راه الطموح ديال اليوم هو لي كيرسم الحياة ديال غدا
وجرب من اليوم
شوف شنو تقدر تدير بهاد الأدوات
صاوب بوست
صاوب فيديو
سول شات جي بي تي على مشروع
ولا حتى قول ليه يصاوب ليك خطة ديال تطوير المهارات
غادي تلقى راسك وسط واحد العالم جديد
وماشي عيب تبدا صغير
كلشي بداو صغار
المشكل هو تبقى فبلاصتك
وتقول راسي ماعارفش والو
حنا فواحد العصر لي فيه المعلومة كتوصل ليك فثواني
ولكن خاصك تفتح الباب
ماشي تبقى تسنى حد يجي يجرّك
وأخيرا
غادي نقولك
الذكاء الاصطناعي راه بحال الموجة
إما تركبها وتخليها تدفعك القدام
ولا تخليها تغرقك
وأنت لي غادي تختار
إلى وصلتي لهنا
كنقولك شكرا
حيت انت من الناس لي مهتمين بالمستقبل
وهادشي بوحدو كيعني أنك ماشي عادي
راك مختلف
والمختلف هو لي كيصاوب الفرق
دير لايك
خلي تعليق
وخليونا نكملو الرحلة الرقمية مع بعضنا
كان معاكم خوتكم
وسلام كبير من القلب