سر رهيب: صاوب فيديوهات طويلة بالذكاء الاصطناعي Veo 3 بلا وجع الراس وبلا تعقيدات! 😱🎬

سر رهيب: صاوب فيديوهات طويلة بالذكاء الاصطناعي Veo 3 بلا وجع الراس وبلا تعقيدات! 😱🎬

سر رهيب: صاوب فيديوهات طويلة بالذكاء الاصطناعي Veo 3 بلا وجع الراس وبلا تعقيدات! 😱🎬

السلام عليكم خوتي وخواتاتي كيدايرين كولشي بخير ومرتاحين كيف دايرين مع الخدمة والدنيا أنا اليوم صراحة جايب ليكم واحد الموضوع اللي والله العظيم راه مهم بزاف لأي واحد مهتم يصاوب فيديوهات احترافية وطويلة وبدون ما يضرب تمارة ولا يضيع وقتو ولا حتى يخرج من الجيب ديالو ريال واحد

الموضوع ديال اليوم هو على Veo 3 اللي هو واحد من أقوى الأدوات اللي خرجات مؤخرا من طرف شركة غوغل وهاد الأداة راه قادرة تدير العجب فصناعة الفيديوهات سواء القصيرة ولا الطويلة وبجودة خيالية بحال لا كتفرج ففيلم ديال هوليود ماشي غير فيديو عادي ديال الذكاء الاصطناعي

ولكن المشكلة اللي كيوقع فيها بزاف ديال الناس هو فاش كيمشيو يسجلو فالموقع كيتفاجؤو برسالة كتقول ليهم باللي ما مؤهلينش ولا خاص كارت امريكية باش يدوز التسجيل وكتلقى راسك وقفتي فالنص بلا ما تعرف كيفاش تكمل ولا تتهنى

أنا شخصيا وقعت لي نفس القصة وسدات فبوجهي جميع الأبواب جربت كاع الكارطات اللي عندي المغربية اللي فيها فيزا واللي فيها ماستر كارد ولكن ماخدمو حتى وحدة وبقيت كنحاول كنقلب فالمجموعات فالفيديوهات كنقرا المقالات وكلشي كيهضر على نفس المشكل بلا حلول واضحة وكنقول مع راسي مستحيل يكون غير هكا

المهم جاني وحد النهار واحد الفكرة زوينة اللي قلبات كلشي فوق تحت وخدمات معايا والحمد لله وخا كانت بسيطة بزاف ولكن نتيجتها كانت خرافية قررت نجرب نبدل الفي بي ان ديالي ونمشي على مدينة فيرجينيا فمريكان وندير واحد الإيميل جديد ما عمرني استعملتو قبل ودخلت للموقع من جديد وخايف لا يخرج لي نفس الرسالة ولكن المفاجأة الكبرى هي أن الموقع قبلني عادي وعطاني 15 شهر فابور بلا ما نحتاج كارت ولا معلومات بنكية ولا والو فقط غير بالتسجيل الجديد والفي بي ان الامريكي

من بعد بديت نستافد من النسخة برو ديال جوجل وان واللي كتمنحك ألف نقطة شهرية كتقدر تصاوب بهم فيديوهات خيالية بجودة عالية وحركات احترافية والمؤثرات اللي فيها كتخلي الفيديو يبان كأنك مصاوبو فستوديو ديال الأفلام الكبيرة

فأول تجربة بغيت نجرب شي حاجة مميزة باش نتأكد مزيان من النتيجة وكتبت برومبت بسيط بالعربية قلت فيه شي حاجة بحال بنت واقفة قدام برج خليفة كتهضر كتقول انا ماشي حقيقية راه اللي دارني هو محمد ايت ابراهيم والحمد لله على الانترنت والتدوين وهنا جاتني صدمة حيت الفيديو اللي خرج ليا كان فعلا فوق الخيال بنت بصوت حقيقي بشكل واقعي بزاف وخلفية واضحة وجودة ممتازة وكلشي مطبوط

ولي عجبني أكثر هو أن الخدمة فابور وخا كيبان أنك خاصك تكون محترف باش توصل لهاد النتائج فالحقيقة راه كلشي بسيط وساهل وكتحتاج غير شوية ديال الذكاء والمثابرة ماشي أكثر

الناس اللي كيقولو ما عنديش خبرة ولا ما كنعرفش كيفاش نخدم راه دابا ما بقاتش هاد الأعذار قائمة حيت الأدوات دابا ولات كتخدم بلا ما تحتاج شي تكوين كبير غير خدم بذكاء وجرب وبدا كتكتشف العالم ديال الفيديوهات بلا ما تحتاج فريق ولا مونتاج معقد ولا كاميرا احترافية

وإلى كنت كتصاوب فيديوهات بدون صوت راه ماشي مشكل غير خاصك تدير إعداد بسيط باش تقدر تضيف الصوت تلقائيا وخا يخرج ليك شي خطأ ولا مشكل راك ديما كتلقى الحل متوفر غير قلب شوية وراه الإنترنت فيه كلشي

الذكاء الاصطناعي دابا ما بقاش غير فكرة راه ولى واقع كنعيشو معاه وكنستافدو منو كل نهار ماشي غير فالترفيه ولكن حتى فالمشاريع الشخصية والمحتوى وهادشي كامل كيخليك تخلق قيمة من والو وتبدا تحقق دخل بلا ما تحتاج رأس مال

المهم أنا بارطاجيت معاكم كلشي بالتفصيل وقلت نخليها عندكم قبل ما يغلقو هاد الثغرة حيت ماعارفينش شحال غادي تبقى الخدمة مفتوحة بهاد الشكل المجاني من بعد يمكن يطلبو كارت ضروري ولا يرجعوها مدفوعة وما يبقى عندنا فرصة نستافدو منها بهداك الشكل

وخا هاد الطريقة يمكن تبان بسيطة ولكن نتيجتها كبيرة أنا جربتها وخدمات معايا وخا كنت شاكك فالأول وقلت ما يمكنش ولكن قلت نجرب وما خسرت والو ومن تم بدات تفتح معايا الأبواب وصاوبت فيديوهات ما كنتش نحلم بها من قبل

أنا متأكد باللي حتى انت إلى تبعت نفس الخطوات وقدرت تسجل بطريقة صحيحة راك غادي تولي كتخدم على محتوى احترافي وبجودة عالية وما تبقاش تابع المواقع الأخرى اللي كتطلب فلوس بزاف وكتعطيك نتائج ضعيفة مقارنة مع Veo 3

وخا ماشي كلشي الناس عندهم نفس المهارات ولا نفس التجربة ولكن الخدمة سهلة بزاف ومتاحة لأي واحد فقط خاصك تكون عندك الرغبة تحاول وتجرب وما تخافش من الأخطاء ولا الفشل راه البداية ديما كاتكون صعيبة ولكن منين كاتشد الطريق وكتولي فاهم كيفاش تستافد من الأدوات اللي بين يديك كتولي كتدير العجب

نصيحة مني خدم اليوم قبل ما يفوتك الوقت واستافد من هاد الخدمة قبل ما يسدوها وبارطاجي هاد المعلومات مع الناس اللي كتعرف اللي باغيين يبداو مشاريعهم ولا يدخلو لعالم صناعة المحتوى حيت راه بزاف ديال الناس كيبقاو تيقلبو ومكيعرفوش منين يبداو ولكن فاش يلقاو بحال هاد الفرص خاصهم يغتنموها

راه مستقبل صناعة الفيديوهات دابا غادي فالذكاء الاصطناعي وغادي يولي هو الأساس خصوصا مع السرعة اللي كيتطور بها السوق والطلب الكبير على المحتوى المرئي فاليوتيوب والتيك توك والانستغرام وحتى فالإشهارات ديال المشاريع الصغيرة والمتوسطة

أنا دابا مرتاح الحمد لله كنعيش من التدوين وخا كانت البداية صعيبة ولكن بالصبر والتعلم الذاتي والتجربة قدرت نوصل وشحال من حاجة تعلمتها بوحدي غير من فيديوهات ومن مواقع مجانية بحالك بحال أي واحد آخر

مابقا ليا ما نقول ليك غير الله يسهل عليك الطريق ونتمنا تكون هاد التدوينة فادتك وجا الوقت تبدا تخدم وتكتشف القدرات ديالك فصناعة الفيديوهات طويلة كانت ولا قصيرة المهم الجودة والأفكار المبدعة اللي كتفرق بين المحتوى اللي كيتشاف والمحتوى اللي كيتنسى

وخلي راسك ديما طالع وحاول تلقى أفكار جديدة وميز راسك على الآخرين باستعمال الأدوات المجانية اللي متوفرة ليك دابا لأن بعد غد يمكن تولي بفلوس وصعيب توصل ليها

بارطاجي هاد السر مع أي واحد كتعرفو مهتم بهد المجال وخليه حتى هو يستافد وبدا خدم من اليوم راه الفرصة دابا متاحة وغدا يمكن ما تلقاهاش

الله يوفق الجميع وخليو الذكاء الاصطناعي يخدم معاكم ماشي ضدكم

وخليو الأيام تجيب معاكم الخير والمحتوى الزوين وتحية كبيرة لكل واحد عندو حلم وباغي يحققو وكيقلب على طريق واضحة وسط هاد الزحام ديال الأدوات والتقنيات

إذا عندك شي سؤال ولا بغيتي تفاصيل أكثر مرحبا بيك دائما

سلام وخليكم ديما ناشطين 💪🔥

تعديل المقال