كيف تصنع فيديوهات يوتيوب احترافية بالذكاء الاصطناعي مجانًا وبدون علامة مائية؟

من نهار بدات قنوات اليوتيوب كتحقق مداخيل ومشاهدات كبيرة بزاف والناس ولات كتربح من دارها ومن تلفونها واللي ماكانش يحلم بشي دخل ولى عندو دخل مستمر كل شهر ولات الفكرة ديال أنك تفتح قناة وتبدا تصور وتحط فيديوهات بحال شي مشروع مستقل تقدر تطور فيه حياتك كاملة ولكن مع هادشي كامل كيبقاو بزاف ديال الناس كيسولو نفسهم واش خاصني كاميرا باش نبدا ولا خاصني مايكروفون ولا خصني مكتب ولا شي بلاصة زوينة نصور فيها ولا خاصني نكون خبير فالمونتاج وفالصوت وبزاف الحوايج اللي كتحبس الواحد قبل حتى مايدير أول خطوة

ولكن الحقيقة اللي بزاف ماعارفهاش هي أنك تقدر تبدا القناة ديالك بدون لا كاميرا لا مايك لا بلاصة زوينة لا حتى تجربة سابقة كلشي ولى ممكن مع الذكاء الاصطناعي ولات الأدوات كاتخدم بلا ما تطلب منك مجهود كبير المهم غير تعرف كيفاش تستخدمهم وتربطهم مع بعضهم بطريقة ذكية وتخلي الخيال ديالك يشتغل

راه فهاد الوقت بزاف ديال الناس بداو قنواتهم وبلا مايتكلفو فالتصوير ولا فالمونتاج ولات كاينة طريقة ذكية وبسيطة تقدر تبدا بها دابا وبدون ما تصرف حتى درهم وتصاوب فيديوهات بحال ديال القنوات العالمية وتبان محترف وتشد المشاهدات وشي مرات حتى الفيديوهات ديالهم كتولي تراند وكتوصل لمئات الآلاف بلا ما يحكو وجههم حتى فالفيديو

المفتاح هنا هو أنك تختار نوع من الفيديوهات اللي مافيهاش تصوير مباشر مافيهاش ظهور وجه ولا حتى صوت ديالك وتكون عبارة على فيديو وثائقي كيتكلم على مواضيع بحال الفضاء ولا التاريخ ولا ظواهر نادرة ولا الأمراض النادرة ولا العقل البشري ولا أي موضوع فيه تشويق ومعلومة وقصة زوينة تتسرد بطريقة جذابة

بحال القنوات اللي كدير مواضيع على الكواكب والمجرات والنجوم بحال قناة جلاكسيكو اللي كدير فيديوهات زوينة بالتصاور والمقاطع ومعلومات دقيقة ولكن فالحقيقة هاد القنوات ماشي هي اللي كتصور داكشي كلو راه كيجمعو المقاطع من مواقع مجانية كيركبو الصوت والنص وكيخرجو فيديو متكامل وكيدخلو به آلاف الدولارات شهريا

انت تقدر دير نفس الشيء وأكثر غير خاصك تعرف الخطوات وتخدم بذكاء

أول حاجة خاصك سكريبت السكريبت هو النص اللي غادي يتقال فالفيديو وهاد النص تقدر تكتبو بيدك ولكن إيلا بغيت توفر الوقت وتخرج نص بجودة عالية كتستعمل شات جي بي تي كتب لي سكريبت وثائقي بطريقة قصصية على الموضوع اللي بغيتي مثلا الشمس القمر المجرة الحرب العالمية النوم العقل البشري وكيعطيك نص فدقايق بحال شي سيناريو ديال فيلم قصير ولكن بالمعلومات

كتراجع النص وتشوف واش مناسب وكتصاوب عليه بعض التعديلات البسيطة باش يولي كيف بغيتي انت ومن بعد كتدوز للمرحلة الثانية اللي هي الصوت

هنا كتستعمل موقع elevenlabs هاد الموقع فيه خاصية ديال text to speech كتدير فيه النص اللي كتبتي وكتختار صوت عربي وكيخرج ليك الصوت واضح بجودة عالية بحال شي مذيع راديو كتجرب صوت صوت حتى تلقى الصوت اللي كيليق مع نوعية الفيديو ديالك وكتخرج التسجيل وتحفظو عندك

بقيتي دابا خاصك الفيديوهات اللي تراكبهم على الصوت وهنا كاينين مواقع خرافية بحال pexels و pixabay اللي فيهم مقاطع فيديو مجانية بلا حقوق كتاخد منهم اللي بغيتي بجودة عالية وتقدر تبحث بكلمات انجليزية باش يعطيك نتائج أكثر مثلا sun in space galaxy background أو planet rotating

كتجمع المقاطع اللي متناسبة مع الموضوع ديالك وتحاول تكون متنوعة باش ما يملش المشاهد وتشوفهم كلهم واش مناسبين وتبدا ترتبهم وتخزنهم عندك

كتجي دابا لمرحلة المونتاج وكتستعمل برنامج capcut اللي معروف ببساطتو وسهولتو كتفتح مشروع جديد كتدخل الصوت كتزيد عليه الفيديوهات وحدة بوحدة كتنسقهم مع النص باش كل مشهد يعبر على الجملة اللي كتقال وكتزيد تأثيرات وانتقالات خفيفة باش يخلي الفيديو حي وممتع

كتقدر تزاد ترجمة تلقائية بالعربية وراها سهلة فـ capcut وكتختار خط زوين ولون واضح باش يبان فالفيديو وكتخلي الكتابة تكون متزامنة مع الصوت

ممكن تزيد موسيقى خلفية هادئة باش تعطي جو جميل ومهني ولكن خاص تكون موسيقى بدون حقوق وكاين بزاف المواقع اللي كتعطيك موسيقى مجانية بحال youtube audio library ولا bensound

فالاخر كتحفظ الفيديو بجودة عالية وكتنزلو للقناة ديالك وكتبدا تحط العنوان والوصف والكلمات المفتاحية وتختار صورة مصغرة معبرة على الفيديو وتحاول تدير عنوان يكون جذاب باش يشد الانتباه

وما تنساش ترد على التعليقات وتحفز الناس تشترك باش تبني مجتمع مهتم بالمحتوى ديالك

الجميل فهاد الطريقة هو أنها ما كتكلفك والو كلشي فابور وتقدر تخدم بها من أي بلاصة سواء كنت فدارك ولا فالمقهى ولا حتى إيلا عندك غير تليفون متوسط ممكن تخدم بيه

وإيلا خدمت بهاد الطريقة بلغة انجليزية راه السوق كيولي أكبر والإعلانات كتولي غالية والمشاهدات كتولي كثيرة وتقدر توصل لنتائج خيالية فمدة قصيرة بشرط تكون مستمر وتخدم بجودة

كاينين ناس بداو بهاد الأسلوب وولات عندهم قنوات بأكثر من نص مليون مشترك وكيديرو آلاف الدولارات شهريا وكلشي بداو من لا شيء غير صبر وخدمة وعقل

راها مسألة وقت وصبر وتجربة وكل فيديو كتديرو كتعلم فيه حاجة جديدة سواء فالنص ولا فالصوت ولا فالمونتاج وكل مرة كتحسن شوية حتى تولي خبير

ماشي ضروري تكون فنان فالمونتاج ولا كاتب محترف ولا مذيع كبير المهم تكون باغي تخدم وتتعلم وكلشي غادي يجي مع الوقت

خلي داك الخوف من الفشل على جنب وركز على أول فيديو وصاوبو مزيان ومن بعد شوف ردة الفعل وعدل فالثاني وطور فالثالث وهكذا حتى تولي عندك أسلوب خاص بك

وراه المشاهد المغربي ولا العربي عامة ولى كيعرف يميز بين المحتوى الزوين والرديء إيلا شاف أنك كتخدم من القلب وكتهتم بالتفاصيل غادي يرجع ليك ويتبعك

وخا تكون الفيديوهات كلها على موضوع واحد إيلا كل مرة كتقدمو بطريقة جديدة وبلقطات مختلفة ونصوص مشوقة راه الناس غادي تبقى كتجي

إيلا درتي محتوى فيه فايدة ومعلومة وصوت زوين وصورة واضحة راه عندك فرصة كبيرة تبني جمهور ديالك ويدعمك وتحقق دخل مستمر

ما تحاولش تقلد القنوات كاملة ولكن خذ منهم الإلهام وخرج لمسة خاصة بك ماشي شرط تكون مبدع ولكن دير بصمتك ولو فصغيرة

النجاح فـ يوتيوب ماشي فالسرعة ولكن فالاستمرارية ومرة غادي تطلع ومرة تنزل ولكن الأهم هو تبقى كتحط فيديوهات بجودة وتتعلم من الأخطاء ديالك

يلا بديتي اليوم راه بعد مدة غادي تشكر راسك على أنك ما بقيتيش كتأجل لأن التأجيل كياكل الفرص

راك عندك ذكاء وعندك أدوات تقدر تستعملها بلا ما تسنى شي واحد يعطيك الضوء الأخضر

ماتسنى لا كاميرا لا صوت لا استوديو راك تقدر دابا تصاوب فيديو كامل بلا متبان فيه لا انت لا صوتك وبهذاك الفيديو تقدر تولي معروف وتحقق مدخول محترم

غير بدا وطلق الإبداع ديالك وخلي الذكاء الاصطناعي يعاونك راه ما بقاش عذر باش تبقى كتفرج فقط فالقنوات ديال الناس الآخرين وانت عارف فخاطرك أنك تقدر دير حسن منهم

تعديل المقال