السر اللي محدا بيحكيه: كيف تعمل فيديو يوتيوب يجيب ملايين المشاهدات حتى لو ما عندك ولا مشترك!

السر اللي محدا بيحكيه: كيف تعمل فيديو يوتيوب يجيب ملايين المشاهدات حتى لو ما عندك ولا مشترك!

السلام عليكم خويا ولا أختي اللي دخلتي كتقرا دابا خليني نهضر معاك على واحد السر اللي قليل اللي كيعرفو وصدقني إيلا ركزتي مزيان وفهمتي كلامي راك غادي تبدل كلشي فالقناة ديالك وغادي تبدا تشوف النتائج اللي عمرك ما كنتي كتخيلها

أنا ماشي جاي نعاود ليك نفس الكلام اللي كلشي كيهضر عليه ولا نحكي ليك خطوات محروقة من الانترنت أنا مجرب بعيني خدام بيديا وفيديوهاتي جابت مشاهدات بالملايين وماشي غير أنا اللي وصلت ناس تعلمو مني وحققو أرقام كبيرة بلا فلوس وبلا كاميرات احترافية غير بالفكرة والذكاء والنية

الفكرة خويا هي كلشي إيلا ما كانش عندك فكرة نارية ما غاديش تمشي بعيد تقدر تكون مبدع فالمونتاج وتقدر تهضر مزيان ولكن إيلا الفكرة اللي بنيتي عليها الفيديو بايخة راه اليوتيوب غادي يدفن الفيديو ديالك حتى لو كنتي فنان

خاصك تفهم أن اليوتيوب ماشي غبي راه منصة ذكية كتقيس كل حاجة كتقيس التفاعل كتقيس شحال من واحد كمل الفيديو كتقيس شحال ضغطو على العنوان شحال بقاو فالمقطع شنو هو التوقيت اللي خرجو فيه وكلشي كيدخل فالخوارزمية باش تعرف واش الفيديو يستاهل يتقترح ولا لا

وهادشي علاش كتشوف بزاف ديال القنوات الصغيرة عندهم فيديوهات مشات للمليون وباقي الفيديوهات جابو غير شوية المشاهدات راه السر كامل كاين فالفكرة إيلا جاتك فكرة فيها طلب وما فيهاش عرض راه غادي تنجح وغادي تجيب مشاهدات بلا ما تدفع ولا سنتيم

بحال واحد اللي كيمشي يبيع الماء فوسط الصحرا واش كتخيل شي واحد ما غاديش يشري منه لا طبعا كلشي غادي يشري حيث كاين مشكل وكاين شي حاجة ناقصة وهو جا يحلها ونفس الحاجة فاليوتيوب إيلا جبت فكرة جديدة ولا زاوية مختلفة لموضوع كيهم الناس وما كاينش عليه فيديوهات كثيرة راه راك سبقتي السوق وكلشي غادي يجي عندك

أنا كنقترح عليك واحد الطريقة بسيطة ولكن قوية دخل لليوتيوب قلب على فيديوهات أجنبية شوف القنوات اللي باقا صغيرة ولكن فيديوهات ديالهم جابت مشاهدات كبيرة هنا خاصك توقف وتدير تحليل علاش هاد الفيديو خرج من المألوف واش العنوان واش الفكرة واش الموضوع نادر هاد النوع كيسميوه فيديو خارج على القاعدة ولا فيديو استثنائي

ما تمشيش تشوف الفيديو باش ما تبقاش تقلد غير خذ الفكرة وخدمها بطريقتك عاود صياغتها بأسلوبك استعمل الطريقة اللي كتريحك ولكن خليك مخلص للفكرة الأصلية بلا نسخ ولا لصق

وحاجة مهمة خاصك تفهمها هي أن السكريبت ماشي هو القصة ولا الحكي العادي السكريبت هو الجسر اللي كيربط المشاهد من البداية حتى للنهاية هو كيفاش كتحركه من نقطة لأخرى مثلا واحد بغا يعرف كيفاش يطيب بيتزا وانت كتجي وتدير ليه فيديو فيه المراحل كلها وبأسلوب سهل هنا راك خدمت ليه الجسر ديال المعرفة

ولا مثلا واحد مقلق وبغا يتفرج على شي حاجة تضحكه وانت كتجي وتخليه من حالة الملل للضحك والفرحة هنا راك وصلتيه اللي بغا وهادشي اللي كيقلب عليه اليوتيوب بالضبط

كاين نوع آخر ديال الفيديوهات اللي هو التحديات بحال تبدأ قناة من الزيرو وتوثق الخطوات كاملة هنا كتخلي الناس تعيش معاك الرحلة وما كيعرفوش النهاية وهنا كيجي عنصر المفاجأة اللي كيزيد يشد المشاهد حتى الأخير

وكاين حتى فيديوهات وثائقية كتعلم الناس على مواضيع تاريخية ولا علمية مثلا الحرب العالمية ولا شي حاجة ثقافية هنا خاصك تكون انت الوسيط بين المعلومة وبين الشخص اللي كيشوف خاصك توصلها ليه بلا تعقيد وبأبسط شكل ممكن

وأنا دابا غادي نقول ليك الحقيقة اللي قليل فالعالم العربي كيهضر عليها ماشي لأنهم ما عارفينهاش ولكن لأنهم ما باغينش يقولوها بغات تبقى حكر على شحال من واحد ولكن أنا عكسهم كنشارك معاكم كلشي بلا بخلا بلا فلسفة

أنا كنشوف بعض الناس كيشوفو القناة ديالي وكيقولو أكيد هاد السيد شاري المشاهدات حيث مثلا عندي غير ثلاثين فيديو وجبت بهم آلاف ديال المشتركين ولكن ما عرفوش أن السر ماشي فعدد الفيديوهات السر كاين فالفكرة والسكريبت وفهم الخوارزمية

الناس اللي كينزلو ميتين فيديو وما وصلوش حتى لألف مشترك راهم كيديرو مجهود ولكن ما فاقوش للسر الكبير وأنا دابا كنشاركك داك السر باش تولي حتى انت كتخدم صح وتوصل بلا ما تدور بزاف

كرة دابا فملعبك يا خاي طبق ولا ما تطبقش راجع ليك ولكن راه فرصتك قدامك الفكرة الصح كتجيب الاهتمام والسكريبت القوي كيخلي الناس تكمل الفيديو وهادي هي التركيبة السحرية اللي كتعشقها خوارزمية اليوتيوب

منين الناس كيشوفو الفيديو حتى الآخر اليوتيوب كيرشحو لأشخاص أكثر وهكذا كتزيد المشاهدات وكيجي التفاعل وكيطلع الفيديو كالصاروخ

خد وقتك فالتفكير ماتخدمش على السريع خاصك تخدم بذكاء متسرعش وخدم من القلب وخلي نيتك صافية بغيت الناس تستافد ولا تضحك ولا تتعلم راه ربي كيعاون النية وكيعاون الناس اللي خدامة من القلب

وما تبقاش تظن النجاح حظ ولا غير للناس اللي عندهم كاميرات غالية ولا صوت احترافي راه كلشي بداو من الزيرو ولكن لقاو المفاتيح الصحيحة وانت دابا بديتي تجمع هاد المفاتيح وحدة بوحدة

وماشي مشكل إيلا أول فيديو ما نجحش ولكن عاود الفكرة بطريقتك حسن من السكريبت بدل العنوان غير الصورة المصغرة زيد كلمات مفتاحية وعاود جرب راه كل محاولة كتعلمك حاجة جديدة

أنا متأكد أنك غادي توصل غير خاصك تصبر وتحلل وتبقى تجرب بلا توقف وهادشي اللي كيديروه الناس اللي وصلو

نتمنا تكون فهمت الصورة كاملة ودابا نتا قدامك الطريق واضح خاصك غير تدير الخطوة الأولى والباقي غادي يجي مع الوقت

والله يوفقك خويا ومرحبا بيك ديما فالعالم ديال الابداع والنجاح الحقيقي فصناعة المحتوى

تعديل المقال