كارثة المشاهدات فاليوتيوب 😱 | علاش المشاهدات طايحة فهاد الأيام؟ | الأسباب الحقيقية لإنخفاض المشاهدات فالقنوات

كارثة المشاهدات فاليوتيوب 😱 | علاش المشاهدات طايحة فهاد الأيام؟ | الأسباب الحقيقية لإنخفاض المشاهدات فالقنوات

 مرحبا بكم، إيلا كنتي كتفرج دابا فهاد الفيديو، فالأغلب حتى نتي ولا نتي كتعاني من مشكل ديال إنخفاض المشاهدات فالقناة ديالك، وخا كتخدم وكتدوز الوقت باش تصور وتمنتج وتنشر، كتشوف المشاهدات قليلة بزاف وكتسول راسك: “واش المشكل فيا؟ ولا فاليوتيوب؟”

أنا حتى أنا لاحظت مؤخرا بزاف ديال الكرياتورز كيشكيو من نفس المشكل، سواء فالكومنتيرات ولا فالرسائل الخاصة، والمشكل هنا ماشي مشكل بسيط، حيث الأسباب كتيرة وقدر تكون خارجة حتى على إرادتك!

 تحليل اليوتيوب
من بعد ما كتدوز تقريبا 5 ساعات على نشر الفيديو، يوتيوب كيبدا يعطيك تحليل أوّل. بحالي أنا، فيديو درتو مؤخرا، يوتيوب قالي:
"الفيديو حقق نفس عدد المشاهدات بحال الفيديوهات السابقة، واخا نسبة النقر على مرات الظهور ناقصة شوية"

يعني المشكلة فالعنوان والصورة المصغرة ديالك. إيلا العنوان ماشي مشوّق وما كيشدش الإنتباه، أو الصورة المصغرة باهتة ومافيهاش عنصر يجبد العين، الناس ما غاديش يضغطو على الفيديو، وهادي أول حاجة كتقتل المشاهدات!

حتى التوقيت عندو دور كبير. إيلا كنتي كتنشر فواحد الوقت والجمهور ديالك متعود عليك فداك الوقت، وخليتيه، ممكن يهبط التفاعل. ولكن إيلا الفيديو ديالك كيتكلم على موضوع ترندي وبزاف ديال الناس كيقلبو عليه، يقدر ينجح فحتى وقت ماشي مناسب.

كاين أحيانا أحداث كبيرة كتشغل الناس بحال الماتشات، السياسة، ولا حتى الكوارث الطبيعية... الجمهور كيمشي يتفرج على داك المحتوى وكيبقى بعيد على قنوات بحال ديالك. وهنا كتولي الصفحة الرئيسية ديال اليوتيوب عامرة بفيديوهات الحدث، ومرات الظهور ديالك كتنقص.

الفيديوهات اللي كتخدم على الترند (مقترحة) كتحقق مشاهدات بسرعة كبيرة، ولكن ما كتطولش. أما الفيديوهات اللي كتهدف بها محرك البحث (بحال "كيفاش تدير...")، كتبقى ديما كتجيب مشاهدات، ولكن بشوية بشوية. أنا مثلا درت فيديو على “طريقة استرجاع الفيديوهات المحذوفة”، أول نهار جاب غير 400 مشاهدة، دابا وصل لـ2600، حيت بدا يطلع فنتائج البحث.

يوتيوب حتى هو كيدير تحديثات بزاف، وفاش كيكونو هاد التحديثات كيبان أثرهم على القنوات الصغيرة والكبيرة: مرات الظهور تنقص، المشاهدات تهبط، والساعات كذلك. وهادي ماشي حاجة كتخصك بوحدك، كلشي كيتأثر!

باش ترجع المشاهدات ديالك، خاصك تراجع:


العنوان والصورة المصغرة


توقيت النشر


توازن بين الفيديوهات المقترحة والبحثية


وديما تواكب الترندات، ولكن بدون ما تهمل المواضيع اللي كتعيش على المدى الطويل.

تعديل المقال