إعلان هام من اليوتيوب 🔴 للقنوات الصغيرة | كيف تزيد مشاهداتك بنسبة 100% | السر الذي يجب أن تعرفه فورًا
 |
| إعلان هام من اليوتيوب 🔴 للقنوات الصغيرة | كيف تزيد مشاهداتك بنسبة 100% | السر الذي يجب أن تعرفه فورًا |
انت كمنشئ محتوى مبتدئ على منصه اليوتيوب لازم تبقى عارف وفاهم كويس جدا عشان تقدر انك تجيب مشاهدات على قناتك وتقدر انك تزود المشاهدات على قناتك بنسبه 100% لازم تبقى انت عارف ومتاكد ان في حاجه اسمها مصادر الزيارات ايه هي مصادر الزيارات هنفهم كل حاجه مع بعضينا عشان تقدر انك تمسك مصدرين الزيارات اللي احنا هنتكلم عنهم في الفيديو بتاع النهارده لان المصدرين دول حرفيا من اهم المصادر اللي ممكن تزود بيها المشاهدات على القناه بتاعتك وهعرفك ازاي تمسك المصدرين دول تعالى بس كده قبل اي حاجه نقرا الاحصائيه دي مع بعضينا ما هو سبب ارتفاع عدد
المشاهدات مقارنه بالاداء المعتاد؟ يعني هنا اليوتيوب اطيني احصائيه من داخل قناتي ان هو بيقول لي ان في ارتفاع عندك في المشاهدات وفي ازدهار عندك في المشاهدات وده بيعود للاسباب التاليه طب ايه هي الاسباب؟ حصدت فيديوهاتك عدد مشاهدات اكث من المعتاد بنسبه 70% بعد ظهورها في الاقتراحات على يوتيوب وده المصدر الاولاني اللي انت لازم انك تهتم بيه كويس جدا وهعرفك ازاي تهتم بيه وهو مصدر الاقتراحات لان مصدر الاقتراحات بيعتمد برده على كذا حاجه هنفهم كل الكلام ده مع بعضينا بس استنى الحاجه الثانيه حصدت فيديوهاتك عدد مشاهدات اكث من المعتاد
بنسبه 53% بعد ظهورها في نتائج بحث يوتيوب وده المصدر المصدر الثاني والمصدر ده من اهم مصادر الزيارات اللي انت ممكن تجيب بيها مشاهدات على قناتك وهو مصدر البحث طيب دلوقتي يا هشام انا المفروض ان انا اجيب ازاي المشاهدات على قناتي من خلال الاقتراحات ومن خلال كمان البحث بتاع يوتيوب تعالى بس كده الاول لو جينا دخلنا هنا على احصائيات القناه هنلاقي هنا حاجه اسمها ميزات التصفح وحاجه هنا اسمها بحث يوتيوب وهنا الفيديوهات المقترحات الثلاث مصادر دول من اهم الثلاث مصادر اللي انت تقدر انك تزود بيهم المشاهدات على قناتك وهنعرف ازاي دلوقتي مع بعضينا انك تجيب
المشاهدات على قناتك من خلال الثلاث مصادر دول لانهم حرفيا هيفرقوا كتير جدا مع القناه بتاعتك تعالى بس كده عشان نفهم اقتراحات يوتيوب الاول او ايه هي اصلا اقتراحات يوتيوب او ازاي اليوتيوب بيبدا ان هو يقترح الفيديوهات بتاعتك تعال نشوف الاحصائيه دي هنا اقتراحات يوتيوب لو جينا بصينا هنا كده على الاقتراحات هنلاقي صفحه يوتيوب الرئيسيه والفيديوهات التاليه طيب ايه هي صفحه اليوتيوب الرئيسيه وايه هي الفيديوهات التاليه صفحه اليوتيوب الرئيسيه بكل بساطه اللي هي دي قدامك ان انت لما بتيجي بتفتح ابلكيشن اليوتيوب بتبدا انك تظهر قدامك فيديوهات او لو انت
بتتصفح مثلا يوتيوب من خلال جوجل كروم بتبدا ان هي تظهر فيديوهات قدامك هي دي الصفحه الرئيسيه والصفحه الرئيسيه عشان انت تبدا انك تظهر فيها انت لازم انك بشكل ضروري جدا انك تهتم بالمواضيع اللي بتهم الجمهور بتاعك في قناتك وكمان تقدر من خلالها انك تتبع المنافس عشان تقدر تبني جمهور مشترك ما بينك وما بين المنافس ساعتها كده انت لما تبدا انك تبني جمهور ما بين المنافس وما بينك انت كمان يعني تعمل مواضيع مشتركه ما بين القناه بتاعتك وما بين كمان قناه المنافس ساعتها هتبدا انك تظهر في الصفحه الرئيسيه لان اليوتيوب هنا بيعتمد على سجل المشاهده بتاع المشاهد
يعني ايه الكلام ده يعني مثالا انت واحد دلوقتي دخلت اتفرجت على فيديو ليا الفيديو ده دخل لك على سجل المشاهده طيب حلو قوي الكلام لغايه كده لما الفيديو يجي يدخل على سجل المشاهده اليوتيوب كده فاهم ان الفيديو ده او المحتوى قناتي بيهمك ساعتها مش هيبدا ان هو يقترح الفيديوهات بتاعتي وبس لا هيقترح لك كمان فيديوهات من قنوات المنافس ممكن يقترح لك فيديوهات من قناه المتوحد فكره ممكن يقترح لك فيديوهات من قناه حسام عبد الله ممكن يقترح لك فيديوهات من قناه رؤيه للمعلوميات او قناه الاستاذ ايمن صفه وعلامه استفهام بتبدا الفيديوهات دي ان هي تظهر لك في الصفحه
الرئيسيه لان اليوتيوب كده فاهم ان المحتوى ده محتوى بيهمك انت كمشاهد فبيبدا يظهر لك جميع المحتويات اللي موجوده في نفس المجال بناء كمان على المواضيع المشتركه اللي انا عاملها ما بيني وما بين قناه المنافس طيب هل هو كده بس ده اقتراح اقتراح يوتيوب لا مش ده بس اقتراح يوتيوب اقتراح يوتيوب ان انت كمان لو بتتفرج على فيديو انت مثلا بتشاهد لي فيديو او بتشاهد لاحد المنافسين اي فيديو من الفيديوهات بتلاقي كده بيظهر لك على الجنب فيديوهات ثانيه برده بتبقى مقترحه من قنوات المنافسين او لو انت بتتفرج عليا من خلال ابلكيشن اليوتيوب بتبدا تظهر لك تحت
الفيديو بتاعي برده فيديوهات ثانيه من نفس المحتوى بتاعي يعني بيبدا اليوتيوب برده يقترحني او يقترح المنافس بتاعي على الفيديو بتاعي او يقترحني انا عند المنافس على الفيديو بتاعه ده كده العامل الثاني من عوامل الاقتراحات طيب العامل الثالث من عوامل الاقتراحات وهي الفيديوهات التاليه طيب ايه هي الفيديوهات التاليه؟ الفيديوهات التاليه بكل بساطه ان انت لما بتيجي بتتفرج على فيديو وتيجي انت خلصت الفيديو ده لغايه النهايه لازم اليوتيوب بيقترح في النهايه فيديو ثاني وفي الغالب برده بيكون الفيديو اللي بيتم اقتراحه في اخر الفيديو خالص او بعد ما انت تخلص
مشاهده الفيديو في الغالب بيكون برده من نفس المحتوى اللي انت بتتفرج عليه طيب انا اعمل الموضوع ده ازاي؟ هتعمل الموضوع ده بكل بساطه ان انت لازم انك تهتم بالموضوعات الترنديه دي حاجه رقم واحد بس يكون الموضوع الترندي ده يكون موضوع ترندي في المحتوى بتاعك يعني ايه موضوع ترندي في المحتوى بتاعي يعني تحاول انك تمسك المحتوى الرائج داخل المحتوى بتاعك يعني لو قناتك مثلا محتواها طبخ تمسكي الحاجه الرائجه اللي الناس بتدور عليها في نفس المحتوى بتاعك في خلال الفتره دي في وصفات ممكن ان هي تطلع تبقى وصفات ترنديه تحاولي انك تمسكيها ساعتها انت كده هتبداي انك
تقترحي على المنافس قنوات الاخبار قنوات الاخبار تقريبا بيبقى عندهم كذا ترند في اليوم القنوات دي الترندات عندها حرفيا ما بتخلصش فتقدر برده ان هي تستغل الترند في محتواها بانشاء الفيديوهات والاهتمام بالمواضيع الرائجه في نفس محتواها كذلك محتوى الفلوجات محتوى الفلوجات برده بيبقى فيه مواضيع رائجه وبتبقى في حاجات ناس كتيره جدا بتبدا ان هي تبحث عنها وتتفرج على فيديوهات المنافس ساعتها برده انت كده او انت كده هتقدري انك تمسكي الاقتراحات بشكل كويس جدا لان زي ما قلت اليوتيوب من شويه بيقترح الفيديو بناء على الاهتمام بتاع المشاهد الحاجه الثانيه عشان تمسك
برده بيها الاقتراحات انت لازم انك تمسك كلمات مفتاحيه وعناوين تكون قريبه من عناوين المنافس انا مش بقول ان انت تاخد نفس العنوان هو هو كوبي كده بيست وتحطه عندك لا تحاول انك تستخدم نفس الكلمات المفتاحيه اللي المنافس بتاعك بيبدا ان هو يستخدمها في المحتوى بتاعه ساعتها انت كده بتكبر اليوتيوب ان هو يظهرك عند المنافس ولكن ما تاخدش العنوان زي ما هو وتبدا انك تحطه عندك لان الموضوع ده مش صح اطلاقا وانت كده بتقلد والتقليد طبعا زي ما احنا عارفين في يوتيوب ما بيبقاش مطلوب على الاطلاق الحاجه الثالثه اللي هتكلم معاك عليها عشان تقدر انك تمسك بيها المقترح
بشكل كويس جدا وساعتها انت مش هتمسك المقترح عند المنفس وبس لا انت هتخلي كمان اليوتيوب يبدا ان هو يقترح فيديوهات ازيد من القناه بتاعتك يعني بمعنى اصح انت مثلا بتتفرج لي على الفيديو ده بعد ما تخلص مشاهده الفيديو ده ممكن اليوتيوب يقترح لك فيديو ثاني من قناتي يجي مثلا موضوع الفيديو يشدك تروح داخل على الفيديو متفرج عليه خلصت الفيديو لغايه النهايه يبدا يترح لك برده فيديو ثاني من قناتي وهكذا انت كده بتعمل الموضوع ده ازاي بتعمل حاجه اسمها حلقه الربط حلقه الربط اللي انت بتعملها دي انت بتعملها من خلال شاشات النهايه دي حاجه رقم واحد الحاجه الثانيه
وهي البطاقات انت لازم بعد ما تخلص الفيديو بتاعك او انت قاعد بتتكلم في الفيديو بتاعك لازم توجه الجمهور لفيديو ثاني انت هتكون سايبه لهم شاشه النهايه او فيديوهين انت هتكون سايبه لهم شاشه النهايه وتوجه كمان الجمهور من خلال القائك في الفيديو ان انت هتسيب لهم فيديو في البطاقات ايه هي البطاقات اللي هي بمعنى اصح حرف الاي يعني انا ممكن اكون قاعد بتكلم معاك دلوقتي هقول لك في فيديو مهم جدا هسيبه لك دلوقتي في حرف الاي اللي هيظهر او في البطاقات كده انا بجبر اليوتيوب ان هو يقترح فيديوهات من فيديوهات قناتي وفي نفس الوقت المشاهد وهو
قاعد بيتفرج لو في حاجه لا بدات ان هي تلفت الانتباه بتاعه هيبدا ان هو يدخل على فيديو ثاني وثالث ورابع وخامس وساعتها كده انت بتخلي المشاهد قاعد في قناتك اكبر فتره ممكنه وهو ده اللي اليوتيوب بيحبه بيحب ان المشاهد مش مجرد ان هو يتفرج لك على فيديو ويمشي لا بيحب ان هو يفضل المشاهد قاعد في قناتك اطول فتره ممكنه عشان يبدا يقترح قناتك على فئه اكبر من الجمهور او على شريحه اكبر من الجمهور والعامل الاخير من عوامل الاقتراحات وهي كمان ان انت لازم تشد المشاهد بان هو يقعد في الفيديو بتاعك اطول فتره ممكنه وده من خلال اول 30 ثانيه في الفيديو بتاعك اول
30 ثانيه هي مقدمه الفيديو ما تحاولش ان انت تبقى بترغي في مقدمه الفيديو حاول ان انت تدي لمحه مختصره وجذابه عن موضوع الفيديو اللي انت هتتكلم فيه او حاول انك تشد عين الجمهور او عين المشاهد اللي بيتفرج عليك بحاجه في بدايه الفيديو عشان يقدر ان هو يكمل معاك فيديو للنهايه او على الاقل يقعد معاك اكث من نص الفيديو وساعتها كده انت برده بتعرف خوارزميات اليوتيوب ان الفيديو ده موضوع مهم وهيبدا ان هو يقترحه على عدد كبير جدا من الناس فكل العوامل اللي انا جيت اتكلمت معاك عليها هي دي العوامل اللي بتخلي اليوتيوب يبدا ان هو يقترح الفيديوهات بتاعتك سواء
من فيديوهات قناتك او من فيديوهات كمان قنوات المنافس ويا سلام لو انت بدات انك تعمل مواضيع مشتركه ما بينك وما بين المنافس من خلال تحليل المنافس وانك تدخل على قناه المنافس تشوف ايه المواضيع الرائجه اللي عنده وايه المواضيع اللي بتجيب مشاهدات بشكل كويس جدا وتبدا انك تعملها بطريقتك وباسلوبك وبمونتاجك وباسكريبتك الخاص وكل حاجه وتبدا انك تشتغل وتطور كمان على المنافس وتطور في المعلومات اللي انت بتقولها جوه الفيديو اكث من المنافس ساعتها كده انت هتجيب اقتراحات هتجيب مشاهدات هتجيب كمان مشتركين وهتقترح على المنافس بشكل كويس
جدا طيب خلصنا كده من الاقتراحات تعال بقى ندخل على الحاجه الثانيه وهي البحث بتاع يوتيوب البحث بتاع يوتيوب ده وهي نتائج البحث نتائج البحث بحث بكل بساطه ان انت لما بتيجي بتدخل على اليوتيوب وعايز انك تبحث عن موضوع معين بتكتبه في نتائج البحث مثالا هديك المثال على المحتوى بتاعي طريقه انشاء حساب جوجل ادسنس لو دخلت على اليوتيوب بدات انك تكتب طريقه انشاء حساب جوجل ادسنس هبدا ان انا اظهر لك وهيبدا كمان اليوتيوب يظهر لك في نتائج البحث جميع المحتويات المنافسه لتكلم عن طريقه انشاء حساب جوجل ادسنس طريقه استرجاع الفيديوهات المحذوفه دي برده نفس الكلام
ده فيديو بحثي الفيديوهات البحثيه اللي هي بتبقى فيها كلمات مفت مفتاحيه بحثيه بتبدا الجمهور تبحث عنها في نتائج البحث بتاعه يوتيوب او مثلا طريقه عمل كذا او كيفيه انشاء كذا او ازاي انك تقدر توصل لكذا او كل ما تريد معرفته عن كذا كل دي حاجات بحثيه المشاهد لما بيجي بيدخل على اليوتيوب بيبدا ان هو يكتبها في البحث وبناء على نتائج البحث اللي بتظهر انت بتاخد من خلالها برده مرات ظهور في نتائج البحث فعايزك انك تهتم بالكلمات المفتاحيه داخل محتواك ومش قصدي بالكلمات المفتاحيه اللي هي بتيجي هنا بتتحط في التاجز اه التاجز عليها عامل مهم جدا وهسيب لك فيديو
في شاشه النهايه تعرف ازاي انك تجيب التاجز دي تقدر انك تجيب الكلمات المفتاحيه دي الفيديو ده هيهمك جدا روح اتفرج عليه بعد ما تخلص الفيديو ده بس انا مش قصدي الكلمات المفتاحيه اللي هي بتتحط هنا اه عليها عامل مهم جدا ولكن مش العامل الرئيسي انا بتكلم على الكلمات المفتاحيه في المحتوى بتاعك اللي بتكون موجوده سواء في العنوان او في الوصف بتشوف انت الكلمات المفتاحيه الرائجه في محتواك الكلمات المفتاحيه البحثيه في محتواك وتبدا انك تستخدمها بناء على موضوع الفيديو اللي انت بتتكلم فيه وطبعا هتحط الكلمات برده المفتاحيه هنا بالشكل ده يبقى انت كده
عملت حلقه ربط ما بين العنوان وما بين التاجز اللي هي محطوطه هنا دي ندخل على الحاجه اللي بعد كده وهي الوصف بتاع الفيديو الوصف بتاع الفيديو من اهم الحاجات اللي بتعرف في اليوتيوب محتوى قناتك وكمان بتعرف اليوتيوب الفيديو ده بيتكلم عن ايه فانا عايزك هنا في الوصف بتاع الفيديو تحاول انك تكتب وصف محترم جدا للفيديو بتاعك اتكلم في الوصف قول كل حاجه بشكل تفصيلي وبشكل بشكل مفصل وبشكل ممل وتستخدم برده في الكلمات المفتاحيه الرائجه في محتواك عشان تقدر انك تعرف اليوتيوب محتوى الفيديو ده بيتكلم عن ايه عشان يقدر من خلاله ان هو يعمل توجيه
للفيديو ده بشكل صحيح يقدر ان هو يقترحك على الفئه بتاعه الجمهور اللي مهتمه بمحتواك وكمان يقدر انه يقترحك على المنافس ويظهرك في نتائج البحث فمش عايزك انك تهمل تماما موضوع الوصف ده الوصف هو عاطي لك فيه 5000 حرف فاتكلم واشرح ولو عايز برده انك تجيب وصف احترافي هتلاقي تلاقي برده الفيديو اللي في شاشه النهايه اللي انت بعرفك من خلاله ازاي تجيب كلمات مفتاحيه هعرفك من خلال برده الفيديو ده ازاي انك تجيب وصف احترافي من خلال الذكاء الاصطناعي للفيديو بتاعك دي الحاجه برده اللي من خلالها تقدر انك توجه الفيديو بتاعك بشكل صحيح وبشكل مظبوط ندخل على
الحاجه اللي بعد كده ودي حاجه لا تقل اهميه عن اي حاجه انا قلتها خلال الفيديو وهي الصوره المصغره بتاعه الفيديو خلي الصوره المصغره بتاعه الفيديو دايما فيها عوامل جذب خلي الصوره المصغره بتاعه الفيديو تشد عين المشاهد عشان تشجع المشاهد ان هو يدخل على الفيديو انا والله بدون اي مبالغه انا بعمل الفيديو وبتعب على الصوره المصغره بتعب عليها زي ما انا بتعب على الفيديو بالظبط يعني انا بشتغل على الفيديو سكريبت وتجهيز للفيديو وتصوير ومونتاج وكل حاجه والصوره كمان المصغره بتعب عليها زي ما بتعب على الفيديو عشان تقدر ان هي تعلي معايا نسبه النقل وتشجع
المشاهد ان هو يدخل لي على الفيديو وطبعا كل اللي انا بتكلم فيه ده انت هتكتسبه مع الوقت يعني الصوره المصغره هتعرف ازاي انك تطورها الصوره المصغره هتعرف ازاي انك تعمل فيها عوامل الجذب وهسيب لك برده فيديو في شاشه النهايه تعرف ازاي من خلاله انك تعمل صوره مصغره بشكل احترافي وايه عوامل الجذب اللي المفروض تبقى موجوده في الصوره المصغره سواء الرياكشن او الالوان بتاعه الصوره المصغره او الوان الكلام اللي انت كاتبه في الصوره المصغره كل ده هتلاقيني سايبه لك في شاشه النهايه برده من خلال فيديو انا كنت عامله روح اتفرج عليه هيفيدك بشكل كويس جدا ثلاث نصائح في
اخر الفيديو لازم ان انا اديهم لك وهي خليك منتظم في النشر يعني اعمل خطه نشر للقناه بتاعتك عشان تقدر انك تلم جمهور هتقول لي طيب ايه علاقه ان انا اعمل خطه نشر بان انا الم جمهور اي واحد منشئ محتوى الجمهور بيتابعه بيبقى مستنيه فاعمل خطه نشر للقناه بتاعتك ما تحاولش ان انت تبقى في القناه بتاعتك تبقى عشوائي لان العشوائيه مش مطلوبه تماما في يوتيوب حاول انك تعمل خطه نشر لان ده هيفيدك في قناتك وهيفيدك كمان في الجمهور بتاعك الجمهور بتاعك هيقدر ان هو يبقى مستنيك في المواعيد اللي انت بتنتظم فيها او اللي انت بتنشر فيها وكمان انت كده بتقول
لليوتيوب بتقول له انا منتظم في قناتي انا واح واحد منشئ محتوى عندي قناه يوتيوب انا منتظم في النشر والانتظام في النشر والاستمراريه عليهم عامل اساسي من انتشار القناه بتاعتك وبناء قاعده جماهيريه للقناه بتاعتك الحاجه اللي بعد كده لازم انك تشوف الجمهور بيحب ايه وتبدا انك يعني ايا كان ايه هو المحتوى بتاعك لازم انك تشوف اهتمامات الجمهور وتبدا انك تشتغل عليها لان من خلال الموضوع ده هتقدر انك تجيب مشاهدات وهتقدر برده انك تقترح على منافس بشكل كويس جدا الحاجه الاخيره خالص ودي بيجهلها 98% ان ما كانش 100% من منشئين المحتوى وهي انك لازم تتابع
احصائيات قناتك لازم تتابع احصائيات قناتك بشكل مفصل لان احصائيات قناتك هي اللي بتعرفك قناتك ماشيه على الطريق الصحيح ولا مش ماشيه على الطريق الصحيح لازم تشوف ايه هي الفيديوهات اللي نجحت عندك في قناتك وممكن انك تعمل منها اجزاء ثانيه بطرق مختلفه وممكن برده من خلالها ممكن تلاقي فيديوهات الفيديوهات دي مثلا فشلت في قناتك او ما جابتش عدد المشاهدات المطلوب تقدر انك تعمل برده نفس الفيديو اللي فشل ده بس بطريقه ثانيه ولكن تتابع بقى الفيديو ده انت عملت فيه ايه غلط هل انت كنت بادئ المقدمه بشكل مش مظبوط هل موضوع الفيديو كان مش مظبوط او مثلا موضوع
الفيديو ما كانش بيهم عدد كبير جدا من الجمهور هل الصوره المصغره ما كانتش قويه هل العنوان ما كانش قوي هل انت مثلا كنت ماثر في حاجه معينه في الفيديو ده كل ده انت هتبدا انك تتابعه يعني افتح فيديوهاتك ومش بقول لك طبعا انك تفتح فيديوهاتك من على اليوتيوب اكيد لا لو انت مثلا عندك نسخه من الفيديوهات بتاعتك على الموبايل بتاعك او على الكمبيوتر بتاعك افتح الفيديوهات دي واتفرج عليها كمشاهد اقعد انت كده اتفرج على الفيديو انت شوف هل انت لو واحد مشاهد بتتفرج على الفيديو بتاعك هتقتنع بالفيديو بتاعك ولا لا كل ده هيفرق معاك في قناتك بشكل كبير قوي هو ده
الفيديو بتاع النهارده اللي انا حبيت اعرفك فيه اهم مصدرين للزيارات هي مصادر الاقتراحات ومصادر البحث اللي انت تقدر تجيب من خلالهم مشاهدات بشكل كويس جدا على قناتك وفي حاجه لازم انت تكون عارفها ان المشاهدات اللي بتعتمد على نتائج البحث دي مشاهدات بتبقى دائمه الخضره انا مسميها دائمه الخضره يعني ايه دائمه الخضره؟ يعني الفيديو طول ما هو موجود على اليوتيوب هيفضل ان هو يجيب لك في مشاهدات ممكن مش هيجيب لك مشاهدات اول لما الفيديو ينزل ولكن بعد ارشفه الفيديو وبعد ما الفيديو يفضل مده طويله على اليوتيوب هيبدا بعد كده ان الرانك بتاعه يرتفع ويقدر ان هو
يجيب لك مشاهدات بشكل كويس جدا طول ما هو موجود على منصه اليوتيوب