تصميم المواقع الإلكترونية وتحقيق الأرباح

تصميم المواقع الإلكترونية وتحقيق الأرباح

تصميم المواقع واحد من الطرق القوية جدًا للي حابب يبدأ يشتغل على النت ويكسب دخل حقيقي ومستمر سواء كان معاك خبرة قوية في البرمجة أو حتى لو كنت مبتدئ ومش عندك أي فكرة عن الأكواد أو اللغات التقنية الفكرة كلها إنك تقدر تبدأ من أي نقطة مهما كانت بسيطة وتطور نفسك مع الوقت وكل خطوة هتخدها لقدام هتفتحلك فرص جديدة وتخليك تبني دخل كويس ويمكن كمان يتحول مع الوقت لدخل ثابت ومصدر رزق رئيسي ليك

اللي عنده خبرة في البرمجة أو اشتغل قبل كده بلغات زي اتش تي ام ال وسي اس اس وجافا سكربت أو حتى بايثون وبي اتش بي يقدر يبدأ يعرض خدماته بكل سهولة على مواقع العمل الحر ودي مواقع بتجمع ناس عندهم شغل وناس بتدور على شغل وانت بتكون وسيط محترف تقدم شغلك وتكسب منه مع الوقت بتبدأ تبني سمعة وتاخد تقييمات كويسة وتبدأ تشتغل على مشاريع أكبر وتطلب أسعار أعلى من الأول بكتير

وحتى لو لسه مبتدئ ومتعرفش تبرمج أو تكتب أكواد تقدر برضه تشتغل في نفس المجال لأن في منصات بتوفر أدوات تصميم بدون كود نهائي وبتخليك تعمل مواقع كاملة بمنتهى السهولة وبشكل إحترافي كمان زي وردبريس وويب فلو وشوبفاي والمنصات دي تقدر تستخدمها علشان تصمم مواقع شخصية أو متاجر أو صفحات هبوط وتعرضها لناس بتدور على شغل سريع ورخيص وبتحب يكون في مرونه وسهوله في التعامل وطبعا ده بيخليك تدخل سوق العمل بشكل أسرع

الخطوة الأولى إنك تتعلم تتعامل مع الأدوات دي لو انت مبتدئ ومتحاولش تستعجل النتائج اتعلم ازاي تبني موقع بسيط الأول وبعدها طور مستواك شوية بشوية وممكن كمان تبدأ تشتغل على مواقع لنفسك قبل ما تشتغل للناس يعني جرب تعمل مدونة شخصية أو متجر وهمي أو أي فكرة تقدر تنفذها علشان تحطها في معرض أعمالك لما تيجي تعرض شغلك بعد كده على العملاء هيشوفوا إنك عملت شغل قبل كده وهيثقوا فيك أكتر وده بيزود فرصك في إنك تكسب شغل حقيقي بأجر

لما تبدأ تشتغل على مشاريع حقيقية أو حتى تبني مواقع لنفسك عندك كذا طريقة تقدر تكسب بيها فلوس ممكن تبيع الموقع كامل لشخص محتاجه أو تعرضه على منصات متخصصة زي فليبا مثلا ودي منصة ناس بتعرض فيها المواقع للبيع سواء مواقع شغالة أو حتى مواقع جاهزة للتشغيل وفيه ناس بتدخل تشتري علشان تكمل المشروع أو تستثمر فيه ممكن كمان تعمل موقع متخصص وتشتغل عليه بنفسك وتنشر فيه مقالات وتكسب من الإعلانات أو من التسويق بالعمولة أو من بيع منتجات رقمية زي كتب الكترونية أو كورسات

فيه كمان فكرة الناس كتير مش بتفكر فيها وهي إنك تشتغل بنظام الاشتراك يعني بدل ما تاخد مبلغ كبير مرة واحدة من العميل لا انت تتفق معاه إنه يدفعلك شهريًا وانت تكون مسؤول عن الموقع بالكامل من أول التصميم لحد الصيانة والتحديثات وحل المشاكل وده بيخلي عندك دخل شهري ثابت ولو جمعت كذا عميل بالطريقة دي هتلاقي نفسك معاك دخل محترم كل شهر بدون ما تكون مضطر تدور على شغل جديد كل فترة

ميزة المجال ده إنه مش واقف على نوع معين من العملاء انت تقدر تشتغل مع أفراد أو شركات أو حتى مؤسسات غير ربحية أو ناس عندهم أفكار جديدة وعاوزين يحولوها لمشاريع على الإنترنت كل فئة من دول عندها احتياجات مختلفة وانت دورك إنك تفهم احتياجهم وتقدملهم حل مناسب وبسعر كويس كل ما كنت فاهم سوقك وبتتكلم بلغة العميل كل ما كنت بتقرب من إنه يتعامل معاك ويدفعلك من غير تردد

فيه كمان فرص في إنك تبني موقع من الصفر بفكرة خاصة بيك وتشتغل عليه وتخليه مشروعك الخاص يعني بدل ما تستنى حد يطلب منك تصميم موقع ابني انت فكرة وابدأ اشتغل عليها موقع تعليمي مثلا أو متجر صغير أو حتى موقع فيه أدوات أو خدمات مجانية بتساعد الناس لو قدرت تسوق للموقع ده وتجيبلوا زوار ممكن يكبر ويبقى مصدر دخل ليك من كذا جهة وكل ما اشتغلت عليه وطورت المحتوى والخدمات كل ما زادت قيمته أكتر

فيه نقطة كمان لازم تاخد بالك منها وهي التسويق لنفسك يعني مهما كانت مهارتك قوية لو محدش سمع عنك مش هتقدر تجيب شغل بسهولة فحاول تكون نشيط على مواقع التواصل الاجتماعي وحط أمثلة من شغلك واعمل فيديوهات قصيرة بتشرح ازاي بتشتغل واعرضها على تيك توك أو انستجرام أو يوتيوب ولو قدرت تعمل مدونة تكتب فيها عن تجربتك ونصايحك للناس يبقى ممتاز لأن ده بيساعدك تبني ثقة ووجود رقمي قوي يخلي العملاء ييجوا لك لوحدهم

مع الوقت هتكتشف إنك مش بس بتكسب من تصميم المواقع انت بتبني بيزنس كامل حواليك ممكن تبدأ توظف ناس معاك أو تتعاون مع مستقلين تانين علشان تاخد مشاريع أكبر وتوسع نطاق شغلك كمان ممكن تفتح وكالة صغيرة وتعرض خدمات شاملة زي تصميم الهوية البصرية أو تحسين محركات البحث أو كتابة المحتوى وبكده تبقى بتقدم حل متكامل مش بس تصميم موقع وده طبعًا يخليك ترفع سعر خدمتك أكتر وتدخل سوق المنافسة الكبيرة

والأهم من كل ده إنك تكون بتحب المجال ده وتستمتع وانت بتتعلمه لأن ده بيخليك تستمر وتطور من نفسك باستمرار وتتعلم كل جديد بيطلع في أدوات التصميم أو البرمجة أو طرق التسويق أو التحديثات في المنصات اللي بتشتغل بيها لأن التكنولوجيا بتتغير بسرعة واللي مش بيتابع التطورات بيتأخر عن باقي الناس وبيفقد فرص كتير

لو انت حابب تبدأ دلوقتي خليك صبور وابدأ بخطوات صغيرة اتعلم أداة واحدة بس وركز عليها وابدأ تطبق فيها عملي ابني شوية مواقع بسيطة لنفسك أو لأصدقائك أو حتى تطوع بيها لمواقع غير ربحية وبعد ما تحس إنك بقيت واثق شوية اعرض خدماتك على مواقع زي خمسات أو فايفر أو أب وورك وابدأ تاخد تقييمات كويسة ومع الوقت لما يكون عندك معرض أعمال محترم وسجل من العملاء هتلاقي إنك بدأت تجيب شغل وانت نايم

وفي النهاية خليني أقولك إن تصميم المواقع مش بس شغل أو طريقة للدخل هو مجال مفتوح للإبداع والتعبير عن نفسك وفيه فرص لا نهائية واللي يشتغل عليه صح ويطور نفسه باستمرار ممكن فعلا يحقق دخل ممتاز ويعيش حياة مرنة بدون وظيفة تقليدية وكل ما بدأت بدري وتعلمت أكتر كل ما كانت فرصتك أحسن ونجاحك أسرع فلا تستنى ولا تتردد وابدأ النهاردة وخد أول خطوة مهما كانت بسيطة لأنها أول طريق النجاح في مجال تصميم المواقع

تعديل المقال